2016 جىلعى 27 شىلدەدە www.qamshy.kz سايتىندا «جازاسىن وتەپ شىققان جىگىت تۇزەۋ مەكەمەسىندە ۋاححابيلىك ادەبيەتتەرگە تىيىم سالىنباعانىن ايتادى» دەگەن تاقىرىپپەن جاريالانعان ماقالاعا قازاقستانداعى تۇزەۋ مەكەمەلەرىنە جاۋاپتى ءىىم قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتىنەن رەسمي جاۋاپ كەلدى. وقىرماندارعا وكىلەتتى ورگاننان كەلگەن حات ءماتىنىن تولىق نۇسقاسىندا ۇسىنىپ وتىرمىز.

«2016 جىلعى 27 شىلدەدە www.qamshy.kz سايتىندا دارحان مۇقانتەگىنىڭ اۆتورلىعىمەن شىققان الماتى وبلىسى بويىنشا قاج دەپارتامەنتى زارەچنىي كەنتى لا-155/14 مەكەمەسىنىڭ سوتتالعاندارعا ارنالعان كىتاپحاناسىندا ءداستۇرلى ەمەس ءدىني مازمۇنداعى ادەبيەت بار تۋرالى ماقالا جاريالانعان.

اتالعان ادەبيەتتەر راسىندا مەكەمەنىڭ كىتاپحانا قورىندا بولدى جانە 2013 جىلى تاركىلەندى.

رەسپۋبليكانىڭ قىلمىستىق-اتقارۋ جۇيەسى مەكەمەلەرىنىڭ اۋماعىنا ءدىني ادەبيەتتى جانە ءدىني مازمۇنداعى وزگە اقپاراتتىق ماتەريالداردىڭ كىرۋ ماسەلەسى  2014 جىلعا دەيىن زاڭ جۇزىندە رەتتەلمەگەن.

2014 جىلدان باستاپ قاج مەكەمەسىنىڭ اۋماعىنا ءدىني ادەبيەتتەردى كىرگىزۋ ماسەلەسى قىلمىستىق-اتقارۋ جۇيەسى مەكەمەسىنە ءدىني ادەبيەتتەردىڭ كەلىپ ءتۇسۋ ءتارتىبى تۋرالى ءمينيستردىڭ بۇيرىعىمەن رەتتەلدى.

مۇنداي ادەبيەتتەر مىندەتتى تۇردە ءدىن ىستەرى كوميتەتىنىڭ ءدىنتانۋ ساراپتاماسىنىڭ قورىتىندىسىن الادى.

سونىمەن قاتار، 2014 جىلعى 5 شىلدەدەگى قازاقستان رەسپۋبليكاسى قىلمىستىق-اتقارۋ كودەكسىنىڭ 13-بابىنا سايكەس جازانى ورىندايتىن مەكەمەلەر مەن ورگانداردىڭ اۋماعىندا عيبادات ۇيلەرىن (قۇرىلىستارىن) سالۋعا تىيىم سالىنادى.

قازىرگى كەزدە بارلىق قولدا بار قىلمىستىق-اتقارۋ جۇيەسىنىڭ مەكەمەلەرىندە ءدىني مازمۇنداعى ادەبيەت باقىلاۋعا الىندى، سوتتالعانداردىڭ ونى پايدالانۋلارى قىلمىستىق-اتقارۋ زاڭناماسىنىڭ نورمالارىنا قاتاڭ سايكەستىكتە جۇرگىزىلەدى».  

ق ر ءىىم قاجك باسپا ءسوز قىزمەتى