قازاقستاندىقتار ريو-دە-جانەيرو وليمپياداسىنىڭ فينالىندا ادىلەتسىزدىكپەن جەڭىلىس تاپقان بوكسشى ۆاسيليي ليەۆيتكە «التىن مەدال» جاساپ بەرۋدى شەشتى، - دەپ حابارلايدى Qamshy.kz قازاقپاراتقا سىلتەمە جاساپ.

«Facebook-تەگى حالايىق! ءبىز بۇگىن تۇندە وليمپيادالىق جالعاندىق پەن قاستاندىقتىڭ كۋاگەرى بولدىق. بوكس جەكپە-جەگىندە ءبىزدىڭ چەمپيون ۆاسيليي ليەۆيت ءوز قارسىلاسىنان ءبىر ساتى جوعارى بولدى. تورەشىلەر رەسەيلىك بوكسشى تيششەنكوعا ادىلەتسىز جەڭىس سىيلادى. اۋەسقوي بوكستاعى جەمقورلىق اۋقىمدى كولەمگە جەتتى»، - دەپ جازدى تانىمال بلوگەر عالىم بايتوق.  - مەن رەسەيلىك سايتتاردى ءسۇزىپ شىقتىم، وندا رەسەيلىكتەردىڭ وزدەرى دە وتانداسىنىڭ بۇل جەڭىسى جالعان ەكەندىگىن مويىنداپ، ۆاسيليي ليەۆيتتى چەمپيون دەپ اتادى! مۇندا شىندىق بار جانە سپورت تاريحىندا تورەشىلەردىڭ قاستاندىق ەتۋىنەن جاپا شەككەن سپورتشىلارعا ادامدار حالىقتىق ماراپات كورسەتكەن كەزدەر از ەمەس! وسى ورايدا، ورىن العان ادىلەتسىزدىككە بايلانىستى، ۆاسيليي ليەۆيتكە «حالىقتىن سۇيىكتىسى» ۇلتتىق ماراپاتى اياسىندا «حالىقتىڭ چەمپيونى - نارودنىي چەمپيون» اتاعىن بەرىپ، ريوداعى وليمپيادا جۇلدەسى ستيلىندە وعان التىن مەدال تابىستاۋدى ۇسىنامىن!».

عالىم بايتوكتىڭ ايتۋىنشا، ق ر ۇلتتىق بانكىنىڭ تەڭگە سارايى اتالمىش مەدالدى التىننان اپتاپ بەرۋگە دايىن. ونىڭ قۇنى 1 ميلليون تەڭگەگە شىعادى ەكەن.

«مەدال حالىقتىق سيپاتقا يە بولۋ ءۇشىن جانە ونى بارشا حالىق اتىنان تابىستاۋ ءۇشىن اتالمىش قاراجاتتى حالىق بولىپ جيناۋدى ۇسىنامىن»، - دەلىنگەن ونىڭ فەيسبۋكتەگى پاراقشاسىندا.

مەدالدىڭ ديزاينىن تانىمال ءمۇسىنشى ءارى ديزاينەر ولجاس مۇحامەدي ۇلى جاساپ بەرۋگە ۋادە ەتكەن.