كۇنشىعىس ەلىندە جۇرگەن وتانداسىمىزدىڭ ءبىرى جەرگىلىكتى باردىڭ بىرىندە جاپوندار قانات ۇمبەتوۆتىڭ ءانىن سۇيسىنە تىڭداپ وتىرعانىنىڭ كۋاسى بولدى، - دەپ حابارلايدى Qamshy.kz Newtimes.kz - كە سىلتەمە جاساپ.
«وساكانىڭ ورتالىعىندا سەرۋەندەپ جۇرگەن ەدىم، ءبىر كەزدە قازاق تىلىندەگى ءاندى قۇلاعىم شالىپ قالدى. بارعا كىرسەم، ءبىزدىڭ قانات ۇمبەتوۆ ءان سالىپ جاتىر ەكەن. جاپوندار جان-تانىمەن بەرىلە تىڭداپ وتىر. ولارعا مەن دە قوسىلدىم»، — دەپ جازدى جەرلەسىمىز Instagram-داعى جەكە پاراقشاسىندا.
ونىڭ ايتۋىنشا، مۇندا قازاق اندەرىن ءبىر كەزدەرى شىمكەنتتە تۇرعان جەرگىلىكتى بارمەن الىپ كەلگەن. ونىڭ بۇل مەكەمەدەن جۇمىستان كەتكەنىنە دە ءبىراز ۋاقىت بولىپتى، دەگەنمەن كەلۋشىلەر ءالى كۇنگە دەيىن «Shymkent style» جانرىنداعى مۋزىكالاردى قويۋدى تالاپ ەتەتىن كورىنەدى.
