يسلام اتىن جامىلعان لاڭكەستەر قۇرىعىنان قۇتىلىپ شىققان 21 جاسار نادا مۋراد The Sun باسپا ءسوز ورتالىعىنا بەرگەن سۇحباتىندا باس وتكەرگەن قيىندىقتارى جايلى ايتىپ بەردى. سونداي-اق، ول قىز-كەلىنشەكتەردى لاڭكەستەر ارباۋىنا ءتۇسىپ قالۋدان ساقتاندىرىپ، كاجەتتى كەڭەستەرىمەن ءبولىستى، - دەپ حابارلايدى Qamshy.kz muslim.kz – كە سىلتەمە جاساپ.

ونىڭ ايتۋىنشا، تۇتقىن قىزدار حاليفات اسكەرىنىڭ قولىنا ەكى ءتۇرلى جولمەن تۇسەتىن كورىنەدى. ءبىرى – ادام ساۋداسىمەن اينالىساتىن لاڭكەستىك توپتار ارقىلى بولسا، الەۋمەتتىك جەلى ارقىلى سيريايعا شاقىرعانداردىڭ شىرماۋىنا الدانىپ جاتقاندار دا كوپ كورىنەدى.

ال، نادانىڭ ءوزى تۇتقىنعا تۋعان اۋىلىن سودىرلار جاۋلاپ العاندا تۇسكەن كورىنەدى. قولعا تۇسكەن ەر بالالاردىڭ بارلىعى سول كۇنى-اق ساتىلىپ، قىزداردى «جيھادشىلار» ءبولىپ العان.«يشيم تۇتقىنىندا ءۇش اي وتكىزدىم. وسى ۋاقىت ىشىندە كورگەندەرىمنەن كەيىن ماعان، ءتىپتى، اجال دا قورقىنىشتى ەمەس بولىپ قالدى»، – دەيدى ول. ءۇش اي بويى ول ءوزىن كۇندە ۇرىپ-سوعىپ، كورسەتكەن زورلىق-زومبىلىقتارىن ءتىپتى ەسىنە دە تۇسىرۋگە قينالاتىن جەتكىزدى. ال، وعان قارسىلىق تانىتقانداردى نەمەسە قاشىپ شىعۋعا تالپىنعانداردى كوپشىلىك كوزىنشە جازالاپ وتىرعانىن ايتادى.

«ولاردى كوبىنە باتىس ايەلدەرى قىزىقتىرادى. شاشى مەن كوزدەرى اشىق ءتۇستى بولعاندارىن ۇناتادى. عالامتور بەتىندە سونداي قىزداردى ىزدەستىرىپ وتىرادى. ولارعا بۇل جاقتى جۇماقتاي عىپ سۋرەتتەپ، كەلۋگە ۇگىتتەيدى. ولاردىڭ ارباۋىنا ءتۇسىپ قالاتىندار كوپ. الايدا، «ايدالادا التىن بار، بارساڭ باقىر دا جوق» دەگەندەي، جۇماق ءومىردى اڭساپ كەلگەن ولار مۇندا تامۇققا تۇسەدى. لاڭكەستەر قۇلدىعىنا ءبىر تۇسكەن ولاردىڭ امان شىعۋى ەكىتالاي. زورلىق-زومبىلىق پەن قيناۋدان كوز جۇمادى، قاشىپ شىعۋعا تالپىنعاندار كوبىنەسە قولعا ءتۇسىپ، كوپشىلىك الدىندا جازالانىپ جاتادى. امان قۇتىلعاندارى نەكەن-ساياق»، – دەيدى ول.