گەرمانيالىق اۋىر اتلەت المير ۆەلاگيچتىڭ قازاقستاندىق ارىپتەستەرى مەن ولاردىڭ باپكەرىنە دەگەن وكپەسى قارا قازانداي سياقتى. Die Welt – كە بەرگەن سۇحباتىندا ول قازاقستان جانە پوستكەڭەستىك ەلدەر سپورتشىلارىنىڭ ەش قىمسىنباستان دوپينگ قابىلدايتىنىنا كۇماندانبايتىنىن ايتقان، - دەپ حابارلايدى Qamshy.kz.

«ەگەر ءسىز ريوداعى جارىستى كورسەڭىز ول ماسقارانى بايقاعان بولارسىز. جاپ-جاس سپورتشىلار الەمدىك رەكوردتاردان باستاپ جاتىر. 77 كەلىگە دەيىنگى سالماق كاتەگورياسىندا ۇتقان قازاقستاندىق (ن. راحيموۆ – رەد.) دوپينگ ءۇشىن جازالانعاننان كەيىن قايتا ورالىپ، 40 كەلى ارتىق سالماقتى كوتەرەدى. وسى ەكى جىل ول ءۇشىن تابىستى بولعان سياقتى. ەندى وسى جۇكتەمەلەرمەن، الەمدىك رەكوردتارمەن ويناپ ءجۇر. بۇل كۇلكىلى»، - دەگەن ول ءبىرقاتار ەلدەردى سپورتتان شەتتەتۋ كەرەك دەپ سانايدى.

«بۇرىنعى كسرو ەلدەرى – قازاقستان، گرۋزيا، بەلارۋس، ۋكراينانى» شەتتەتۋ كەرەك»، - دەيدى ول.

ا. ۆەلاگيچتىڭ سونداي-اق، قازاقستاندىق اۋىر اتلەتتەردىڭ باس باپكەرىنە قاتىستى دا ايتارى بار ەكەن.

«سىزدەر ولاردىڭ باسشىلارىنا قاراڭىزدار. ولاردىڭ باپكەرلەرى (ا. ني – رەد.) قانشاما دوپينگ-سىنامالارى وڭ ناتيجە كورسەتسە دە ءالى ورنىندا وتىر. «قازاقستان – ءبىرىنشى!» دەپ ايقايلاپ ءجۇر. بۇل بىرتە-بىرتە سيرككە اينالىپ بارا جاتىر»، - دەيدى ول.