ساياساتتانۋشى ەرلان سايروۆ قازاقستاندىق بوكسشى ۆاسيليي ليەۆيتتىڭ ريوداعى جەڭىلىسىن «ادىلەتسىزدىك» دەپ باعالاپ، حالىقارالىق اۋەسقوي بوكس فەدەرسايسياسى پرەزيدەنتىنىڭ اتىنا پەتيسيا ۇيىمداستىرۋدا، - دەپ حابارلايدى Qamshy.kz.

پەتيسيادا قازاقستاننىڭ اۋەسقوي بوكستى دامىتۋعا ايتارلىقتاي ۇلەس قوسىپ كەلە جاتقانى، ءادىل باسەكەلەستىك پەن ءادىل شەشىم سىندى وليمپيادالىق قوزعالىستىڭ باستى قاعيدالارىن قولدايتىنى ايتىلادى.

«كەشە الەمدىك قاۋىمداستىق الدىندا وليمپيادالىق قۇندىلىقتاردىڭ ءمانى مەن ءادىل شەشىمگە دەگەن سەنىمدى جوياتىن وقيعا بولدى. اڭگىمە 91 كەلى سالماقتا شارشى الاڭعا شىققان قازاقستاندىق بوكسشى ۆ. ليەۆيت پەن رەسەيلىك ە. تيششەنكو كەزدەسۋى تۋرالى بولىپ وتىر. وليمپيادالىق قاعيدالار مەن ءادىل جەكپە-جەكتىڭ بارلىق ولشەمى بويىنشا جەڭىس قازاقستان سپورتشىسى ۆ. ليەۆيتتىڭ جاعىندا بولدى. سۋديالار كورپۋسى سانا مەن سپورت قۇندىلىقتارىن جيىپ قويىپ، جەڭىستى رەسەيلىك ە. تيششەنكوعا بەردى. ءبىز بۇل جاعداي:

-وليمپيادالىق ءادىل سايىس قاعيدالارىنا دەگەن سەنىمنىڭ تومەندەۋىنە؛

-بوكستىڭ سپورت ءتۇرى رەتىندە كۇرەس پەن شەشىم قابىلداۋدىڭ باسقا دا ادىستەرىنەن ادا ەمەستىگى تۋرالى كۇدىك تۋۋىنا سەبەپ بولادى دەپ سانايمىز.

سوندىقتان، ءبىز اياققا تاپتالعان «ءادىل باسەكە»، «رۋح سايىسى»، «ءادىل شەشىم» دەگەن وليمپيادالىق قۇندىلىقتاردى قالپىنا كەلتىرۋدى ۇسىنامىز. ول ءۇشىن سۋديالار كورپۋسىنىڭ سپورتقا جات قىلىقتارىنا قىزمەتتىك تەكسەرىس جۇرگىزۋ، الەمدىك جانكۇيەرلەر قاۋىمداستىعىنىڭ «سۋديا نەگە ءار جولى رەسەيلىك بوكسشىنىڭ «وزىنە كەلۋىنە» جانە «دەمالۋىنا» اشىق مۇمكىندىك بەردى، وسىلايشا رەسەيلىك بوكسشىعا قامقورلىق جاسادى، سۋديالار جەكپە-جەك ناتيجەسىن اشىق بۇرمالاۋمەن اينالىستى» دەگەن زاڭدى سۇراعىنا جاۋاپ بەرۋ قاجەت دەپ سانايمىز.

سودان كەيىن سىزدەن ادىلدىكتى قالپىنا كەلتىرۋدى، ياعني، كەزدەسۋ قورىتىندىسىن قايتا قاراۋدى سۇرايمىز»، - دەلىنگەن پەتيسيادا.