«ەگەمەن قازاقستان» رەسپۋبليكالىق گازەتى» اكسيونەرلىك قوعامى ديرەكتورلار كەڭەسىنىڭ وتىرىسىندا قابىلدانعان شەشىم نەگىزىندە امانتاي ءشارىپ باس رەداكتور بولىپ تاعايىندالدى، ، - دەپ حابارلايدى Qamshy.kz.

بۇل تۋرالى «ەگەمەن قازاقستان» رەسپۋبليكالىق گازەتى» اكسيونەرلىك قوعامىنىڭ باسقارما ءتوراعاسى دارحان ءقىدىرالى فەيسبۋكتەگى پاراقشاسىندا جازدى.

بۇرىن وسى قىزمەتتى قوسا اتقارىپ كەلگەن باسقارما ءتوراعاسىنىڭ ورىنباسارى ەركىن قىدىر ەندى گازەتتىڭ جالپى شىعارماشىلىق جۇمىستارىنا باسشىلىق جاسايتىن بولدى.

امانتاي جارىلقاسىن ۇلى ەلىمىزگە بەلگىلى باسىلىمداردا جۇمىس ىستەگەن، جوعارى وقۋ ورىندارىندا پرورەكتور، ۇلتتىق تەلەارنادا باسقارما ءتوراعاسىنىڭ ورىنباسارى قىزمەتتەرىن اتقارعان. فيلولوگيا عىلىمدارىنىڭ دوكتورى، پروفەسسور.

سونداي-اق بۇگىن شىعارماشىلىق ۇجىمعا جاۋاپتى حاتشى قىزمەتىنە تاعايىندالعان اسقار بەكوۆ تە تانىستىرىلدى. ول «دالا مەن قالا»، «ايقىن» گازەتتەرىندە جاۋاپتى قىزمەتتەر اتقارعان.