شىعىس قازاقستان وبلىسىنا جۇمىس ساپارى اياسىندا كارىم ءماسىموۆ اوك نىساندارىنىڭ دامۋىمەن تانىستى، - دەپ حابارلايدى Qamshy.kz قازاقپاراتقا سىلتەمە جاساپ.

 «اگروبيزنەس-2020» مەملەكەتتىك باعدارلاماسىندا ەگىس القاپتارىن ءارتاراپتاندىرۋ ماسەلەسىنە ەرەكشە كوڭىل بولىنگەن. وسىمدىك شارۋاشىلىعىندا ءتۇرلى باعىتتاردى دامىتۋ وڭدەۋ ونىمدەرىنىڭ ءتۇر-تۇرىن كەڭەيتۋدى قامتاماسىز ەتىپ قانا قويماي، ءوڭىردىڭ ەكوجۇيەسىن قالپىنا كەلتىرەدى. بۇدان وزگە، وسىمدىك شارۋاشىلىعى نەگىزىندە مال شارۋاشىلىعىن دامىتۋ تۇيىق سيكلدىڭ قالدىقسىز ءوندىرىس ۇلگىسىن قۇرادى.

شىعىس قازاقستان وبلىسىندا اوك-دەگى زاماناۋي شارۋاشىلىقتىڭ وسىنداي ۇلگىسىنىڭ مىسالى «استانا-بيزنەس» اگروحولدينگىنىڭ قۇرامىنا ەنەتىن «تاجىريبەلى مايلى داقىلدار شارۋاشىلىعى» ج ش س بولىپ تابىلادى، دەپ جازادى Pm.kz.

مۇندا ءداندى جانە مايلى داقىلدار ءوسىرىلىپ، ءسۇت جانە ەت وندىرىلەدى، سونداي-اق وتاندىق شارۋالاردى جوعارى ساپالى تۇقىمدارمەن قامتاماسىز ەتەدى. 

بۇدان وزگە، شارۋاشىلىق تريتيكالە (كۇزدىك بيداي-قارابيداي گيبريدى) جانە كۇزدىك راپس سياقتى جاڭا داقىلدار وسىرەدى. گيبريدتىك قارابيدايدىڭ ونىمدىلىگى شارۋاشىلىق القاپتارىندا 60 س/گا جانە ودان جوعارى - وڭىردە بۇرىن-سوڭدى بولماعان ناتيجە. سونداي-اق، مۇندا ءىرى قارا مالدىڭ تۇقىمىن جاقسارتۋ بويىنشا اسىل تۇقىمدى مال شارۋاشىلىعىمەن اينالىسادى. 

تاجىريبەلىك-سەلەكسيالىق القاپتى ارالاۋ بارىسىندا «استانا-بيزنەس» ج ش س ديرەكتورى ف. ابىتايەۆ پرەمەر-مينيسترگە كاسىپورىن قىزمەتىنىڭ ناتيجەلەرىن تانىستىردى.

تاجىريبەلىك شارۋاشىلىق عىلىمى ءبولىمىنىڭ جەتەكشىسى سەرگەي شەربان كۇنباعىس جانە مايلى داقىلداردىڭ باسقا دا سۇرىپتارىنىڭ سەلەكسياسى بويىنشا جۇرگىزىلىپ جاتقان جۇمىس تۋرالى ايتتى.

600 مال باس ءىرى قارا بار ءسۇت-تاۋارلى فەرمادا ك.ماسىموۆكە سيىرلاردى ماشينالى ساۋۋدىڭ زاماناۋي كەشەنى قالاي جۇمىس ىستەيتىندىگى كورسەتىلدى.  

اۋىل شارۋاشىلىعى باسقارماسىنىڭ باسشىسى ق. تولەۋبەكوۆ پرەمەر-مينيسترگە وبلىستاعى اوك دامۋى جايلى باياندادى.

سونىمەن، 2013 جىلدىڭ ءبىرىنشى جارتىجىلدىعىنىڭ ناتيجەلەرى بويىنشا جالپى رەسپۋبليكادا 794 ملرد تەڭگەگە اۋىل شارۋاشىلىعى ونىمدەرى (ونىڭ ىشىندە وسىمدىك شارۋاشىلىعى ونىمدەرى - 31،2 ملرد تەڭگەگە، مال شارۋاشىلىعى - 762 ملرد تەڭگەگە) ءوندىرىلدى، بۇل وتكەن جىلدىڭ سايكەس كەزەڭىنەن 2،7%-عا ارتىق.

اۋىل شارۋاشىلىعى ونىمدەرىن ءوندىرۋ كولەمىنىڭ ءوسۋى ەتتىڭ بارلىق تۇرلەرىنىڭ جانە ءسۇت ءوندىرىسىنىڭ 3،4%-عا، جۇمىرتقانىڭ - 1،5%-عا ارتۋىنا نەگىزدەلگەن.

ايتا كەتەيىك، «اگروبيزنەس-2020» ق ر اگروونەركاسىپ كەشەنىن دامىتۋ باعدارلاماسى قازاقستان پرەزيدەنتى نۇرسۇلتان نازاربايەۆتىڭ تاپسىرماسى بويىنشا قابىلدانعان جانە اۋىل شارۋاشىلىعىنىڭ باسەكەگە قابىلەتتىلىگىن ارتتىرۋعا باعىتتالعان. باعدارلامانىڭ نەگىزگى مىندەتتەرى اوك قارجىلاي سۋىقتىرۋ، تاۋارلاردىڭ، جۇمىستاردىڭ جانە قىزمەت كورسەتۋلەردىڭ ەكونوميكالىق قولجەتىمدىلىگىن ارتتىرۋ جانە مەملەكەتتىك رەتتەۋ جۇيەلەرىنىڭ تيىمدىلىگىن جاقسارتۋ بولىپ تابىلادى.

2016 جىلى قازاقستاندا بارلىق داقىلداردىڭ ەگىس القاپتارى 21،7 ملن گا قۇرادى، ونىڭ ىشىندە 15،2 ملن گا-عا استىق داقىلدارى ەگىلگەن (ونىڭ ىشىندە بيداي - 12،2 ملن گا). مايلى داقىلدار ەگىستەرى 1،9 ملن گا اۋماقتا ورنالاستىرىلعان. مەملەكەت باسشىسىنىڭ تاپسىرمالارىن ىسكە اسىرۋ اياسىندا اۋىل شارۋاشىلىعى مينيسترلىگى مەن وبلىس اكىمدىكتەرى اراسىندا مال ازىعى، مايلى، بۇرشاقتى جانە جەمشوپتىك داقىلدار القاپتارىن كەڭەيتۋدى قاراستىراتىن اۋىل شارۋاشىلىعى داقىلدارىنىڭ ەگىس القاپتارىن ءارتاراپتاندىرۋ بويىنشا مەموراندۋمدار جاسالدى.

ەستەرىڭىزگە سالساق، پرەمەر-مينيستردىڭ سقو-نا جۇمىس ساپارى بارىسىندا وبلىس اكىمدىكتەرىنە مايلى جانە جەمشوپتىك داقىلداردىڭ ۇلەسىن ارتتىرۋمەن ەگىس القاپتارىن ءارتاراپتاندىرۋ، وسىمدىك شارۋاشىلىعى ونىمدەرىن وڭدەۋدى (استىقتى، مايلى داقىلداردى تەرەڭ وڭدەۋ) دامىتۋعا ينۆەستيسيالار تارتۋ بويىنشا مەموراندۋمداردى ورىنداۋ بويىنشا شارالار قابىلداۋ تاپسىرىلدى.