بۇگىن ريو-دە-جانەيروداعى XXXI وليمپيادا ويىندارىندا بوكستان 69 كەلىگە دەيىنگى سالماقتاعى بوكسشىلاردىڭ فينالى ءوتتى. شەشۋى كەزدەسۋدى دانيار ەلەۋسىنوۆ وزبەكستاندىق شاحرام گياسوۆپەن وتكىزدى، - دەپ حابارلايدى Qamshy.kz.

دانيار قورعانا ءجۇرىپ ۇرىس سالدى. جەرلەسىمىز ءبىرىنشى راۋندتا بىرنەشە سوققىسىن قارسىلاسقا وتكىزە الدى. ال وزبەك بوكسشىسىنىڭ سوققىلارى دىتتەگەن جەرىنە جەتپەي جاتتى. كوبىنە اۋا قارمادى. ەكىنشى راۋندتا دا جەرلەسىمىز شيراق قيمىلداپ، باسىمدىقتى قولدان بەرمەۋگە تىرىستى. سوڭعى شەشۋشى راۋندتا ۇلتتىق قۇرامانىڭ كاپيتانى ءبىر باس جوعارى ونەر كورسەتتى. ناتيجەسىندە الەم چەمپيونى، ازيانىڭ ەكى دۇركىن جەڭىمپازى اتانعان دانيارعا وليمپيادانىڭ التىنى دا بۇيىردى.

وسىعان دەيىنگى وليمپيادا ويىندارىندا 69 كەلىدە ونەر كورسەتكەن ءۇش بوكسشىمىز باقتيار ارتايەۆ، باقىت سارسەكبايەۆ، سەرىك ساپييەۆ چەمپيون اتانعان ەدى. وسى جولى دا قازاق بوكسشىلارى بۇل سالماقتى ەشكىمگە بەرگەن جوق.

ايتا كەتەيىك، وسىلايشا قازاقستان وليمپيادا ويىندارىنداعى ءۇشىنشى التىنعا قول جەتكىزدى.