جىل سوڭىنان باستاپ زىريان اۋدانى ءوزىن-وزى تولىقتاي سۇتپەن قامتاماسىز ەتپەك. بيىلعى جىلى 400 باسقا ارنالعان ءسۇت فەرماسىن ىسكە قوسۋدى جوسپارلاعان «بورودينو» شارۋا قوجالىعى كەلەر جىلى تاعى 200 باسقا ارنالعا فەرما اشپاقشى، - دەپ حابارلايدى Qamshy.kz.

ءقازىردىڭ وزىندە قوجالىقتا 320 باس ساۋمال سيىر بار. كۇنىنە 4 توننا ءسۇتتى وندىرىسكە تاپسىرىپ وتىرعان قوجالىق ءسۇت فەرماسىن ىسكە قوسقاننان كەيىن ءونىم كولەمىن 10 تونناعا دەيىن ۇلعايتپاق.

– جاڭا ءسۇت فەرماسىنا رەسەيدەن اكەلىنگەن زاماناۋي قۇرالدار ورناتىلۋدا. كۇن سايىن ءسۇتتى ءبىق ءوزىمىزىدىڭ اۋداندا ورنالاسقان «ۆوستوك-مولوكو» ج ش س فيليالىنا تاپسىرىپ وتىرامىز. ەگەر الداعى ۋاقىتتا شارۋاشىلىق تولىق قۋاتىنا ەنگەن جاعدايدا، ءبىز اۋداندى دا ءوزىمىزدىڭ ءسۇت ونىمدەرىمىزبەن قامتاماسىز ەتە الامىز، – دەدى «بورودينو» شق باسشىسى قايرات بوكەجانوۆ.

قوجالىقتا بۇگىندە 80 ادام جۇمىس ىستەۋدە. فەرما ىسكە قوسىلعاننان كەيىن جۇمىسسىشىلاردىڭ سانىن 150-گە دەيىن جەتكىزۋ جوسپارلانعان. سونداي-اق، جاڭا فەرماعا ۆەتەرينار دارىگەرلەر مەن جاس ماماندار قاجەت. ال جەرگىلىكتى اكىمدىك كەلۋشى ماماناردى باسپانامەن قامتاماسىز ەتەتىندىكتەرىن جەتكىزدى.