قازۇۋ ستۋدەنتتەرىنىڭ ريو-دە-جانەيرو وليمپيادا ويىندارىندا جەتكەن جەتىستىكتەرى ۋنيۆەرسيتەتتىڭ بەلسەندى جاستارىن ەرەكشە ناۋقانعا شابىتتاندىردى. ستۋدەنتتەر ۋنيۆەرسيتەتتىڭ اشىق الاڭىندا «ديما، ەلدوس – ريو چەمپيونى» سوزدەرى بەينەلەنگەن فلەشموب ۇيىمداستىرىپ، وليمپيادا چەمپيوندارى  دميتريي بالاندين مەن ەلدوس سمەتوۆتى جەڭىستەرىمەن قۇتتىقتادى، - دەپ حابارلايدى Qamshy.kz.

قازۇۋ جاستارى وزدەرىنىڭ چەمپيون زامانداستارىن ماقتان تۇتادى، سەبەبى دميتريي قازاقستاننىڭ سپورت تاريحىنداعى جۇزۋدەن العاشقى وليمپيادا مەدالىن جەڭىپ السا، ەلدوس دزيۋدودان كۇمىس جۇلدەنى قانجىعاسىنا بايلادى.

  «اسقان دارىندىلىق پەن قاجىرلى ەڭبەكتىڭ ارقاسىندا ءبىزدىڭ ستۋدەنتتەر ۇلكەن جەڭىسكە يە بولدى. ريو-دە-جانەيرودا ولاردىڭ قۇرمەتىنە قازاقستاننىڭ ءانۇرانى ورىندالدى!»، - دەدى قازۇۋ جاستار ۇيىمى كوميتەتىنىڭ ءتورايىمى ايسۇلۋ ەرنيازوۆا.

جاقىن ارادا دميتريي مەن ەلدوستى وزدەرى وقيتىن ۋنيۆەرسيتەت قابىرعاسىندا سالتاناتتى تۇردە قۇتتىقتايدى.

بۇعان دەيىن الماتى قالاسىنىڭ اۋەجايىندا قازۇۋ-لىق جانكۇيەرلەر ىستىق ىقىلاسپەن «بالاندين – ءبىزدىڭ قاھارمان!»، «ەلدوس – جارايسىڭ!» دەپ جارقىن داۋىسپەن ۇرانداتىپ ەلدوس سمەتوۆ پەن دميتريي ءبالانديندى كۇتىپ العان بولاتىن.