قازاقستان رەسپۋبليكاسى پارلامەنتىنىڭ ءماجىلىسى مەن قازاقستان رەسپۋبليكاسى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسى، بۇۇ ايەلدەردىڭ ورتالىق ازيادا (قازاقستان) كوپەلدەر ءبولىمىنىڭ باستاماشىلىعىمەن الماتىدا BRIDGE ءادىسى بويىنشا مەملەكەتتىك ورىنداردىڭ وكىلدەرى، قازاقستان رەسپۋبليكاسى پارلامەنتىنىڭ دەپۋتاتتارى مەن قازاقستان رەسپۋبليكاسى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسىنىڭ مۇشەلەرى ءۇشىن سەمينار-ترەنينگ ءوتتى.

ءماجىلىس دەپۋتاتى، «نۇر وتان»فراكسياسىنىڭ الەۋمەتتىك كەڭەس ءتورايىمى ايتكۇل ساماقوۆا مەن قازاقستان رەسپۋبليكاسى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسىنىڭ ءتورايىمى ماحاببات بەكبوسىنوۆا، ءماجىلىس دەپۋتاتى، الەۋمەتتىك-مادەني دامۋ كوميتەتىنىڭ حاتشىسى مايرا ايسينالار نەگىزگى بايانداما جاسادى.

باسقوسۋعا ءماجىلىس دەپۋتاتى ەلەنا تاراسەنكو مودەراتور بولدى.

BRIDGE – بۇل كاسىبي دامۋدىڭ مودۋلدىق جۇيە ءپرينسيپى بويىنشا قۇرىلعان، سايلاۋ جۇيەسى مەن پروسەسسىنە باعىتتالعان باعدارلاما. ترەنينگتە: گەندەرلىك تەڭدىك پەن سايلاۋ پروسەسسى، ۋاقىتشا ارنايى ءىس-شارالار، سونىمەن قاتار ايەلدەردىڭ قوعامنىڭ ساياسي ومىرىنە قاتىسۋىن ارتتىرۋدىڭ زاڭنامالىق ادىستەرى سياقتى  ماسەلەلەر جان-جاقتى قاراستىرىلدى.

ايەلدەرگە قاتىستى ديسكريميناسيانىڭ بارلىق ءتۇرىن جويۋ كونۆەنسياسى، ايەلدەر ەرلەرمەن بىرگە ءوز قۇقىقتارىن  تەڭ نەگىزدە پايدالانعاننىڭ وزىندە شىن مانىسىندە تەڭدىككە جەتپەيتىندىگىن مويىندايدى. سوندىقتان دا كونۆەنسيانىڭ 4 بابى قاتىسۋشى-مەملەكەتتەرگە تەڭسىزدىك ورىن الىپ تۇرعان كەزەڭدە ۋاقىتشا ارنايى ءىس-شارالار قولدانۋعا رۇقسات بەرەدى. ۋاقىتشا ارنايى ءىس-شارالار ەرلەر مەن ايەلدەر اراسىنداعى تەڭدىكتىڭ ورناۋىن تەزدەتۋ ءۇشىن قاجەت. بۇۇ-نىڭ ايەلدەرگە قاتىستى ديسكريميناسيانىڭ بارلىق تۇرلەرىن جويۋ كوميتەتى كونۆەنسياعا قاتىسۋشى-مەملەكەتتەرگە ايەلدەردىڭ ساياسي ارالاسۋىن كەڭەيتۋ ماقساتىندا ۋاقىتشا ارنايى ءىس-شارالاردى كەڭىنەن پايدالانۋدى ۇسىنادى. قازاقستان ۇكىمەتىندە ايەلدەر سانىن كوبەيتۋدەگى العا باسۋشىلىقتارعا قاراماستان، وسى كورسەتكىشتەردى بەكىتۋ ءۇشىن زاڭنامالىق ادىستەر قاجەت.

سەمينار-ترەنينگتىڭ نەگىزگى ماقساتى – قازاقستانداعى ايەلدەردىڭ ساياسي قاتىسۋى ماقساتىندا زاڭنامالىق جانە ساياسي رەفورمالارعا ناقتى ۇسىنىمدار جاساۋ جانە ديالوگقا كومەكتەسۋ. ترەنينگ قاتىسۋشىلاردىڭ ءبىلىمىن كەڭەيتۋگە، پوتەنسيالدارىن بەكىتۋگە، سونىمەن قاتار سايلاۋ پروسەسسىندە گەندەرلىك اسپەكتىلەردى تەرەڭ تۇسىنۋىنە ۇلەس قوسادى دەپ كۇتىلۋدە. باسقا مەملەكەتتەردىڭ ۋاقىتشا ارنايى ءىس-شارالاردى، اتاپ ايتقاندا گەندەرلىك كۆوتالاردى ەنگىزۋ ارقىلى ايەلدەردىڭ ساياسي ارالاسۋىن قامتاماسىز ەتۋ تاجىريبەسىن پايدالانۋ مۇمكىندىگى باستى قىزىعۋشىلىق تۋعىزۋى مۇمكىن.

بۇۇ ايەلدەر – بىرىككەن ۇلتتار ۇيىمىنىڭ گەندەرلىك تەڭدىك پەن ايەلدەردىڭ قۇقىقتارى مەن مۇمكىندىكتەرىن كەڭەيتۋ ماسەلەلەرى بويىنشا سالاسى. جاھاندىق دارەجەدە ايەلدەر مەن قىزداردىڭ مۇددەلەرىن بەلسەندى قورعاۋشى، بۇۇ ايەلدەر الەم بويىنشا ولاردىڭ قۇقىقتارىن قورعاۋ ءىسىن دامىتۋ ماقساتىندا قۇرىلعان.

بۇۇ ايەلدەر بۇۇ-نىڭ مۇشە مەملەكەتتەرىنە گەندەرلىك تەڭدىكتى ورناتۋدا حالىقارالىق نورمالار مەن ستاندارتتاردى قالىپتاستىرۋعا، وسى ستاندارتتاردى ىسكە اسىرۋ ءۇشىن زاڭداردى دايىنداۋدا، ساياسي كوزقاراستاردا، باعدارلامالار مەن قىزمەتتەردە ۇكىمەتتەر مەن ازاماتتىق قوعامدارمەن ىنتىماقتاستىق ورناتادى. بۇۇ ايەلدەر (بۇرىنعى يۋنيفەم) قازاقستان رەسپۋبليكاسىندا    1999 جىلدان بەرى قىزمەت اتقارۋدا.

سەمينار-ترەنينگكە قازاقستان رەسپۋبليكاسى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسياسىنىڭ ءتورايىمى، قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى، «نۇر وتان» پارتياسىنىڭ، «اق جول» قازاقستاننىڭ دەموكراتيالىق پارتياسىنىڭ، قازاقستان كوممۋنيستىك حالىق پارتياسىنىڭ فراكسيالارى، ق ر قورعانىس ۆيسە-مينيسترى، ق ر مادەنيەت ۆيسە-مينيسترى، ق ر باس پروكۋرورىنىڭ ورىنباسارلارى قاتىسىپ، وي ءبولىستى.

(ساۋلە دوسجانوۆا. ت.74-63-01. اقپاراتتى ق ر پارلامەنتى ءماجىلىسى اپپاراتىنىڭ  باسپا ءسوز قىزمەتى تاراتتى.)