بۇۇ-نىڭ باس حاتشىسى پان گي مۋن يەمەننىڭ ساۋد اراۆيامەن شەكاراسىنداعى جاعدايدىڭ ۋشىعۋىنا الاڭداۋشلىىق ءبىلدىردى، - دەپ حابارلايدى Qamshy.kz. 

سوڭعى كەزدە بۇل وڭىردە اۋە شابۋىلى  مەن جەر ۇستىندەگى قاقتىعىستار كۇشەيگەن. بۇۇ-نىڭ باس حاتشىسى تاراپتاردى قاقتىعىستى توقتاتىپ، كەلىسىمگە كەلۋگە شاقىردى.

ايماقتاعى جاعداي 6 تامىزدا كۋۆەيتتە كەلىسسوزدەر توقتاعاننان كەيىن ۋشىعىپ كەتكەن. "ازاماتتىق تۇلعالار، سونىڭ ىشىندە بالالار ۇزدىكسىز قاقتىعىستاردان، ازاماتتىق ينفراقۇرىلىمداردى — مەكتەپ، اۋرۋحانالاردى بومبالاۋدان زارداپ شەگۋدە" دەدى پان گي مۋن. سوڭعى كەزدە يەمەننەن جاۋعان وقتان ساۋد اراۆياسىنداعى شەبەرحانانىڭ تالقانى شىعىپ، جەتى ادام قازا تاپقان. يەمەننىڭ استاناسىنىڭ شىعىس جاعىنا دا بومبا ءتۇسىپ، توعىز ادام مەرت بولعان. پان گي مۋن تاراپتارعا ازاماتتىق تۇلعالاردى قورعاۋ قاجەت ەكەندىگىن جانە حالىقارالىق قۇقىقتارمەن بەكىتىلگەن مىندەتتەمەلەردى قۇرمەتتەۋ كەرەكتىگىن ەسكەرتتى.