ۋكراينا بۇۇ-نا ەلدىڭ شىعىسىندا بىرىگىپ وپەراسيا وتكىزۋگە ۇسىنىس ءبىلدىردى. بۇل تۋرالى ۋكراينا پرەزيدەنتىنىڭ مىندەتىن اتقارۋشى الەكساندر تۋرچينوۆ بۇۇ-نىڭ باس حاتشىسى پان گي مۋنمەن تەلەفون ارقىلى سويلەسۋ بارىسىنا ايتتى دەپ حابارلايدى ريا نوۆوستي.
"ەگەر سىزدەردىڭ كومەكتەرىڭىزبەن ەلدىڭ شىعىسىندا انتيتەررورلىق وپەراسيا وتكىزىلەر بولسا ءبىز قولداۋعا دايىنبىز. مۇنداي بولعان جاعدايدا ارنايى ماماندار مەن باقىلاۋشىلار قۇقىق قورعاۋ جولىنداعى ءبىزدىڭ ارەكەتىمىزدىڭ دۇرىستىعىنا وزدەرى كوز جەتكىزە الاتىن ەدى" - دەدى تۋرچينوۆ پان گي مۋنمەن سويلەسۋ بارىسىندا.
ءوز كەزەگىندە پان گي مۋن ۋكرايناعا بۇۇ-نا سەنۋىنە بولاتىنىن جانە ولاردى قولدايتىنىن ءمالىم ەتكەن.
بۇعان دەيىن ەلدەگى "باتكيۆششينا" پارتياسىنىڭ ليدەرى يۋليا تيموشەنكو الەم كوشباسشىلارىنان اسكەري كومەك سۇراعان بولاتىن. تيموششەنكو ءوز مالىمدەمەسىندە "ءبىز ءوزىمىزدى قورعاي الاتىنىمىزدى دالەلدەۋىمىز كەرەك. سول كەدە الەم بىزگە قولۇشىن سوزادى. مەن بارلىق مەملەكەتتىڭ كوشباسشىلارىنان رەسەيگە قارسى سانكسيانىڭ ءۇشىنشى كەزەڭىن جاريالاۋدى سۇرايمىن. سونداي-اق الەم كوشباسشىلارىنان ءوزىنىڭ تاۋەلسىزدىگى ءۇشىن كۇرەسەتىن ۋكراين حالقىنا اسكەري كومەك كورسەتۋىن وتىنەمىن" دەگەن بولاتىن.
