وڭتۇستىك قازاقستان وبلىسى «بەرەكە» باعدارلاماسى بويىنشا جەكە شارۋاشىلىقتارعا 1 مىڭ شاعىن مال بورداقىلاۋ الاڭىن قارجىلاندىرۋ جوسپارلانعان ەكەن. وسى ماقساتتا 913 شارۋاعا 2،4 ملرد. تەڭگە نەسيە بەرىلدى. بۇل تۋرالى «اۋىل شارۋاشىلىعىن قارجىلاي قولداۋ قورى» اق باسپا ءسوز قىزمەتى حابارلادى. شاعىن نەسيە نەگىزىنەن 5-20 ءىرى قارا مال باسىن بورداقىلايتىن جەكە شارۋا قوجالىقتارعا بەرىلىپ وتىر.

جىل باسىنان بەرى «اۋىل شارۋاشىلىعىن قارجىلاي قولداۋ قورى» جالپى كولەمى 9،2 ملرد تەڭگەگە 3،7 مىڭ جوبانى قارجىلاندىرعان ەكەن.  نەسيە قاراجاتى نەگىزىنەن ءىرى قارا، جىلقى جانە قۇستى بورداقىلاۋ مەن اۋىلشارۋاشىلىق ءونىم الۋ ءۇشىن ساتىپ الۋ، سونداي-اق، مال ازىق ساتىپ الۋعا ماقساتىندا جۇمسالۋى ءتيىس بولعان. 

نەسيەنىڭ ماكسيمالدى سوماسى – 3 ميلليون تەڭگەگە دەيىن، قارىزدى مەرزىمنەن بۇرىن وتەگەن قاتىسۋشىلار ءۇشىن – 5 ميلليون تەڭگەگە دەيىن بولىپ تابىلادى. قارىزدىڭ بەرىلۋ مەرزىمى تولىق – 4 جىل.  «بەرەكە» باعدارلاماسى «اۋىل شارۋاشىلىعىن قارجىلاي قولداۋ قورى تاراپىنان ازىرلەنگەن ەدى. رەسپۋبليكا بويىنشا 2016 جىلى 55 مىڭعا جۋىق مال باسىنا ارنالعان 7 مىڭنان استام شاعىن مال بورداقىلاۋ الاڭى قارجىلاندىرىلادى دەپ كۇتىلۋدە.

ماكسيمالدى بەرىلگەن مەملەكەتتىك نەسيەنىڭ ارقاسىندا وڭتۇستىك قازاقستان وبلىسىندا مال بورداقىلاۋ جۇمىستارى ءساتتى ءجۇرىپ، اسىل تۇقىمدى مالدارس انىنى ارتتىقۋ جوسپارى تولىعىمەن ورىندالىپ كەلەدى. بۇل ءۇشىن وڭتۇستىكتىڭ مالشىلارى بار كۇش-جىگەرلەرىن سالىپ ەڭبەك ەتۋدە. ەندىگى ماقسات، مال سانىنى ارتتىرىپ قانا قويماي، ولاردىڭ كۇتىمىنە دە اسا ساقتىقپەن قاراماق نيەتتە ەكەن.

ەندى وسى قارجىلاندىرۋ ارقاسىندا ايماقتاعى اۋىل شارۋاشىلىعى مىقتاپ قولعا الىنۋى جوسپارلانۋدا.