اقتاۋدا 6 جاسار قىزدى زورلادى دەگەن كۇدىكتى اقىرى قولعا ءتۇستى،-دەپ حابارلايدى Qamshy.kz.    

كەشە پوليسەيلەر دۇكەننىڭ بەينەباقىلاۋ كامەراسىنا ءتۇسىپ قالعان كۇدىكتى ەر ازاماتتى قولعا ءتۇسىردى. ءزابىر كورگەن ءسابي وسى دۇكەننەن جوعالىپ كەتكەن بولاتىن.

ءتارتىپ ساقشىلارى كۇدىكتىنى اقتاۋداعى قۇرىلىس نىساندارىنىڭ بىرىنەن ۇستاعان.

«قازىرگى تاڭدا ۇستالعان ەر ازاماتتىڭ اتالعان قىلمىسقا قاتىسى بار-جوعىن انىقتايتىن ءبىرقاتار تەكسەرۋلەر جۇرگىزىلىپ جاتىر. تەرگەۋدىڭ قۇپيالىعىنا بايلانىستى وزگە اقپاراتتار ايتىلمايدى»، - دەيدى ماڭعىستاۋ وبلىستىق ءىىد باسپا ءسوز قىزمەتىنىڭ وكىلى شولپان يۋلداشيەۆا.

ەستەرىڭىزگە سالايىق، اتالعان وقيعا 20 تامىز كۇنى اقتاۋداعى №1 شاعىناۋدانىندا ورىن العان بولاتىن. دۇكەندە اپاسىنىڭ جانىندا بولعان 6 جاسار قىزدى بەلگىسىز ەر ازامات ۇرلاپ كەتىپ، ساياجايعا اپارىپ زورلاعان. قىزدى اسا اۋىر حالدە پوليسەيلەر تاۋىپ الدى. ونىڭ جاعدايى ءالى دە اۋىر، ءقازىر جانساقتاۋ بولىمىندە.