ەلباسى نۇرسۇلتان نازاربايەۆ سەربيا رەسپۋبليكاسىنىڭ پرەمەر-مينيسترى الەكساندر ۆۋچيچپەن كەزدەستى، - دەپ حابارلايدى Qamshy.kz.
بۇل تۋرالى اقوردانىڭ باسپا ءسوز قىزمەتىنەن حابارلادى. كەزدەسۋ بارىسىندا ەكىجاقتى ىنتىماقتاستىقتىڭ ساياسي ديالوگتى جانە مادەني الماسۋدى نىعايتۋ، كولىك، تۋريزم جانە ينفراقۇرىلىم قۇرىلىسى سالاسىنداعى بايلانىستاردى دامىتۋدى قامتيتىن نەگىزگى باعىتتارى تالقىلاندى. سونداي-اق، تاراپتار حالىقارالىق كۇن ءتارتىبىنىڭ وزەكتى ماسەلەلەرى جونىندە پىكىر الماستى. نۇرسۇلتان نازاربايەۆ پەن الەكساندر ۆۋچيچ قازاقستان مەن سەربيانىڭ ءوزارا ءىس-قيمىلىن ودان ءارى نىعايتۋ جانە كەڭەيتۋ ءۇشىن زور الەۋەتتىڭ بار ەكەنىن اتاپ ءوتتى.
