كەزدەسۋ بارىسىندا سەربيا پاتريارحى يرينەي قازاقستان پرەزيدەنتىنە سەربيا پراۆوسلاۆ شىركەۋىنىڭ جوعارى ناگراداسى – ءى دارەجەلى قاسيەتتى ساۆۆا وردەنىن تاپسىردى ،- دەپ حابارلايدى Qamshy.kz اقوردا سايتىنا سىلتەمە جاساپ.
مەملەكەت باسشىسى كونفەسسياارالىق كەلىسىمدى نىعايتۋعا باعىتتالعان ەلىمىزدىڭ ساياساتىنا بەرىلگەن جوعارى باعا ءۇشىن العىس ايتتى.
– قازاقستاندا يسلام مەن پراۆوسلاۆيە – ءدىننىڭ ەڭ باستى ەكى دىڭگەگى. ءبىز ەلىمىزدە تۇراتىن بارشا كونفەسسيا وكىل دەرىنىڭ ءدىني مەرەكەلەرىن اتاپ وتەمىز. ەگەر دە بارلىق مەملەكەتتەردىڭ كوشباسشىلارى وسىنداي قاتىناستى ۇستانسا، جەر بەتىندە بەيبىتشىلىك ورناعان بولار ەدى، – دەدى نۇرسۇلتان نازاربايەۆ.
قازاقستان پرەزيدەنتى پاتريارحتى استانادا وتەتىن الەمدىك جانە ءداستۇرلى دىندەر ليدەرلەرىنىڭ كەلەسى سەزىنىڭ جۇمىسىنا قاتىسۋعا شاقىردى.
سەربيا پاتريارحى ەلىمىزدىڭ بىرەگەي تاجىريبەسى وزگە ەلدەر ءۇشىن، اسىرەسە الەمدە بولىپ جاتقان قازىرگى جاعدايلار اياسىندا ۇلگى بولىپ وتىرعانىن ايتتى.
– ءسىزدى سەربياعا، سونداي-اق بارشا كونفەسسيا وكىلدەرىنىڭ تەڭ قۇقىلى ءومىر سۇرۋىنە سىڭىرگەن بارلىق ەڭبەگىڭىز ءۇشىن حالقىمىز بەن ەلىمىزدىڭ ۇلكەن دوسى رەتىندە وسى وردەنمەن ماراپاتتايمىز. ءبىز دە ەلىمىزدە وسىنداي جاعداي جاسالعانىن قالايمىز، سول ءۇشىن قولدان كەلگەننىڭ ءبارىن ىستەيمىز، – دەدى پاتريارح.
