جاڭا وقۋ جىلىنىڭ باستالۋىنا از عانا ۋاقىت قالدى. تامىز ايىنىڭ جيىرماسىننا كەيىن الماتىداي ۇلكەن قالاعا اۋىل-ايماقتان ستۋدەنتتەر اعىلا باستايدى.  كۋرستان كۋرسقا وتكەن ءبىلىم الۋشىلاردان بولەك، مەكتەپپەن جاڭا قوشتاسقان تۇلەكتەر دە كەلەدى. ياعني جىل سايىن قانشا ستۋدەنت وقۋمەن قوشتاسسا، سونشا تاعى ءتۇسىپ وتىرادى. وسىلايشا الماتى ستۋدەنتتەردەن بوساعان ەمەس.

سىرتتان كەلەتىن بارلىق ستۋدەنتتىڭ ورتاق ءبىر ماسەلەسى – جاتاقحانا.

جاتاقحانا الۋ ءۇشىن اۋىل-ايماقتان كەلگەن ستۋدەنتتەر ءبىراز قۇجات جيناپ اۋرە بولاتىنى تاعى بار. تۇرعىلىقتى جەرىنەن مەكەن-جاي انىقتاماسى، پسيحيكالىق اۋرۋى جوق، سوتتالماعان، دەنساۋلىعى كىناراتاسىز (مەديۋينالى انىقتاما فورما №86 نەمەسە №63) دەگەن انىقتاما دەگەن سياقتى قۇجاتتاردى جۇگىرىپ، ءاروايسىن ءار جەردەن جيناعانىمەن قويماي، رەكتوردىڭ، دەكاننىڭ، جاتاقحانا مەڭگەرۋشىسىنىڭ اتىنا ءوتىنىش دەگەن سياقتىلارى تاعى بار. وعان رەسپۋبليكانىڭ بۇرىش-بۇرىشىنان كەلگەن ستۋدەنتتەردىڭ ۇزىن-سونار كەزەگىن قوسىڭىز.

بۇل قۇجاتتاردى جيناۋىن جينايدى-اۋ، الايدا بولمە جاتاقحانانىڭ ءبىر بولمەسىنىڭ ءبىر بۇرىشىنا ورنالاسقان ءبىر جاتىن ورىندى الا الماي قالۋى دا بەك مۇمكىن ەكەن.

جيىرماسىنشى تامىزدان باستاپ الماتىعا اعىلعان ستۋدەنتتەر جاتاقحانا كەزەگىنە تۇرىپ، ءبىر بولمەنىڭ ءبىر توسەگىنە قول جەتكىزۋ ءۇشىن جوعارىدا اتالعان قۇجاتتارمەن اۋرە-سارساڭعا ءتۇسىپ ءجۇر.

-جىندى ەمەس دەگەن قاعازدى الۋ ءۇشىن جىندانىپ كەتە جازدايسىڭ. ال سوتتالماعان دەگەن قاعازدى الۋ ءۇشىن سول مەكەمەدەگىلەردى اتىپ-ۇرىپ، سوتتالىپ كەتكىڭ كەلەدى. الەم قيىندىقپەن العاندا، جاتاقحانا الا الماي ەكى جىل ساندالعانمىن. بيىل تاعى توعىز اي پاتەردەن پاتەرگە كوشىپ، كينالعىم كەلمەيدى. جاتاقحانادا ورىن جەتپەيدى دەپ ايتا بەرەدى، تولىپ تۇر، - دەيدى اينۇر ەسىمدى ستۋدەنت.

اينۇر بيىل ءۇشىنشى كۋرسقا كوشكەن. بيىل دا جاتاقناعا الا الماي قالۋ ءۇشىن ەرتەرەك كەلىپ قامدانىپ جاتىر ەكەن. ونىڭ ايتۋىنشا، جاتاقحانا الۋ دا ءبىر بيزنەسكە اينالۋى مۇمكىن.

اينۇردىڭ ءسوزىن مەملەكەتتىك ۋنيۆەرسيتەتتەردىڭ بىرىندە وقيتىن قايرات ەسىمدى ستۋدەنت تە راستادى. قايراتتىڭ ايتۋىنشا جاتاقحانا مەڭگەرۋشىلەرى ستۋدەنتتەرگە ورىن جوق دەگەنىمەن، بەلگىلى ءبىر ادامداردىڭ ارالاسۋىمەن، ول ورىنداردا وتباسىلى ادامدار اقشا تولەپ تۇراتىن جاعدايلار دا كەزدەسەدى ەكەن.

ء-بىز جىلدا جاتاقحانا الۋ ءۇشىن ساندالامىز. ونىمەن قويماي، ءبىراز ستۋدەنت الا دا الماي قالادى. ءوزىم جاتاقحانادا تۇرىپ جاتقاندىقتان بىلەمىن، وتباسىلى ادامدار ءبىر بولمەنى جالعا الىپ الادى. كورىپ ءجۇرمىز. ال ورىن جەتپەي، پاتەر جالداپ جۇرگەن ستۋدەنتتەر قانشاما، - دەيدى قايرات.

ءبىر ايتا كەتەرلىگى، جوعارىدا اتالعان قۇجاتتاردى وقۋعا جاڭا ءتۇسىپ، جاتاقحانانى جاڭا العاندا عانا جينايدى.

«سوسىن مەڭگەرۋشىمەن، جاتاقحانا ۇجىمىمەن جاقسى بولساڭ، جىلدا جاتاقحانا الۋ قۇقىعىنا يە بولاسىڭ» دەگەن ستۋدەنتتەر تامىز ايىنىڭ سوڭى مەن قىركۇيەكتە ءبىرىنشى كۋرستاردى قابىلداۋدا ۇلكەن كەزەكتەر مەن ايقاي-شۋلار بولىپ جاتاتىن جاسىرمايدى. «تانىسىڭ بولسا، پروبلەماسىز-اق الۋعا بولادى» دەيدى ستۋدەنتتەر.

ال التىن بەلگىسىن اقتاپ، الماتىعا وقۋعا تۇسكەن قارقارا جاتاقحانا جاعىن جايعاپ قويىپتى. الايدا، كەي ستۋدەنتتەر ايتقان پروبلەمالار بولا قومايدى دەيدى.

-اۋىلدان كەلگەن سوڭ، كەرەكتى قۇجاتتاردى جينادىق جاتاقحاناعا. تۇراتىن جەرىمىزدىڭ جوقتىعى انىق. اناۋ ايتقانداي پروبلەما تۋىندامادى. جاتاقحانا الدىم. تەك قىركۇيەك ايىندا كوشىپ بارسام بولدى، - دەيدى ول.

قارقارانىڭ ايتۋىنشا، قۇجات جيناۋ ءۇشىن ۇزىن-سونار كەزەك پەن جۇيكەسى شارشاعان ادامداردىڭ سەرگەلدەڭگە تۇسەتىنى راس.

سونداي-اق، مەملەكەتتىك وقۋ ورىندارىنىڭ ءبىرىنىڭ جاستاقحانا مەڭگەرۋشىسى ورىن الۋ ءۇشىن ءبىرىنشى جىلى قۇجات جيناۋ زاڭدى ەكەنىن، الايدا جىلدا ستۋدەنتتەردىڭ جاتاقحانا الا الماي ساندالۋىن اقىلعا قونىمسىز ەكەنىن ايتادى. ونىڭ ايتۋىنشا، جاتاقحانا تۇرعىنى ەلەسى جىلى دا بولمە الۋعا، ءتىپتى جازعى دەمالىسقا كەتىپ بارا جاتىپ، ءوز ورنىن ساقتاپ كەتۋگە قۇقىلى ەكەن.

وسىلايشا الماتىعا ستۋدەنتتەردىڭ الدىڭعى لەگى كەلىپ جاتىر. ەندى قالانىڭ حالقى تاعى ءبىرازعا ارتىپ، قوعامدىق كولىكتەردىڭ لىق تولىپ جۇرەتىن ماۋسىمى باستالماق. دەگەنمەن ۇلكەن قالاعا ارمان ارقالاپ كەلگەن جاستاردى باسپانا جاعىمەن قيناپ قويماسا ەكەن دەيمىز.

ينديرا قۋات