23 ماۋسىمدا وزبەكستان رەسپۋبليكاسى زانگيوتا باعىتىنداعى شەكارالىق وكىلدىگىنەن ق ر ۇلتتىق قاۋىپسىزدىك كوميتەتى شەكارا قىزمەتىنىڭ 2020 اسكەري ءبولىمىنىڭ ازاماتتاردى وتكىزۋگە ۋاقىتشا شەكتەۋ ەنگىزىلەتىنى جونىندە حات كەلىپ ءتۇستى، - دەپ حابارلايدى Qamshy.kz.
«تاراپتاردىڭ مەملەكەتتىك شەكاراداعى وتكىزۋ بەكەتتەرىنەن ازاماتتاردى وتكىزۋ ماسەلەلەرى بويىنشا ءوزارا ارەكەتتەستىك اياسىندا، 2016 جىلدىڭ 22 تامىزىنان 2016 جىلدىڭ 4 قىركۇيەگىنە دەيىنگى ارالىقتا وزبەك-قازاق شەكاراسىنىڭ اۆتوجولىنداعى وتكىزۋ بەكەتىنەن تۇلعالاردى وتكىزۋگە ۋاقىتشا شەكتەۋ ەنگىزىلەتىنىن حابارلايمىز»، - دەلىنگەن قۇجاتتا.
ديپلوماتيالىق وكىلدىكتەر مەن حالىقارالىق ۇيىمدار قىزمەتكەرلەرىنە؛ رەسمي دەلەگاسيا قۇرامىندا جۇرگەن تاراپ ازاماتتارىنا؛ وتانىنا قايتىپ كەلە جاتقان تاراپ ازاماتتارىنا؛ جەدەلحاتتار مەن شاقىرتۋلارى (تۋىستارىنىڭ اۋىرۋىنا بايلانىستى، ءولىم-جىتىم شارالارىنا قاتىسۋعا) جانە ەكىنشى تاراپتىڭ اۋەجايىنان ۇشۋ ءۇشىن اۆيابيلەتتەرى بار ازاماتتارعا؛ ءبىر مەملەكەتتىڭ اۋماعىندا ورنالاسقان ەكىنشى مەملەكەتتىڭ وبەكتىلەرىندە قىزمەت ىستەيتىن ازاماتتارعا؛ حالىقارالىق اۆتوكولىكتىك جۇك تاسىمالىن جۇزەگە اسىراتىن تاراپ ازاماتتارىنىڭ جۇرگىزۋشىلەرىنە شەكتەۋ بولمايتىنىن حابارلادى ق ر ۇقك شەكارا قىزمەتىنىڭ باسپا ءسوز قىزمەتى.
