بۇگىن قازاقستان رەسپۋبليكاسىنىڭ كونستيتۋسياسى قابىلدانعان كۇنى.

قولدانىستاعى اتا زاڭ 1995 جىلدىڭ 30 تامىزىندا جالپىحالىقتىق رەفەرەندۋم ناتيجەسىندە قابىلدانعان بولاتىن.

كونستيتۋسيا مەملەكەتتىك قۇرىلىستىڭ قۇقىقتىق نەگىزىن قالىپتاستىرۋشى قۇجات بولىپ تابىلادى. ول مەملەكەتتىلىك تەتىك، قوعامدىق، ساياسي ينستيتۋتتار رەتىندە قىزمەتتىڭ نەگىزى بولارلىق پرينسيپتەرىن ورنىقتىردى، ادام مەن ازاماتتىڭ كونستيتۋسيالىق مارتەبەسىن بەلگىلەدى، ەكونوميكالىق قۇرىلىستىڭ نەگىزدەرىن ايقىندادى. بۇل تاۋەلسىز قازاقستاننىڭ قابىلداعان ەكىنشى كونستيتۋسياسى.

ال، تاۋەلسىز قازاقستاننىڭ العاشقى كونستيتۋسيا 1993 جىلى 28 قاڭتاردا قابىلدانعان بولاتىن. پارلامەنتتىك باسقارۋ نىسانىن بەلگىلەگەن ول كونستيتۋسيا ەكى جىل وتكەن سوڭ كۇشىن جويدى.

1995 جىلى قابىلدانعان كونستيتۋسياعا 1998، 2007، 2011 جىلدارى ءبىرقاتار وزگەرىستەر ەنگىزىلدى.