مەملەكەتتىك مەيرامعا وراي ءوڭىر بويىنشا 800-گە جۋىق سالتاناتتى شارا وتۋدە. كونستيتۋسيا كۇنىنە ارنالعان وسكەمەن قالاسىنىڭ ورتالىق الاڭىنداعى مەرەكەلىك شاراعا ون مىڭعا جۋىق ادام جينالدى، - دەپ حابارلايدى Qamshy.kz.

وبلىس ورتالىعىنداعى سالتاناتتى شارا بارىسىندا شىعىسقازاقستاندىقتاردى اتا زاڭ مەرەكەسىمەن ايماق باسشىسى دانيال احمەتوۆ قۇتتىقتادى.

– 1995 جىلى تامىزدا بۇكىلحالىقتىق رەفەرەندۋمدا قابىلدانعان، جاڭا كونستيتۋسيا جاڭا قازاقستاننىڭ  ەلدىك ىرگەتاسىن  قالادى. وسى ءبىر جىلدار  ىشىندە قازاقستان تاۋەلسىز مەملەكەت رەتىندە ورنىقتى، دۇنيە جۇزىندە ءوزىنىڭ لايىقتى  ورنىن الدى. سان ۇلتتىڭ جەرۇيىق مەكەنىنە اينالعان قاسيەتتى وتانىمىز – قازاقستان رەسپۋبليكاسى گۇلدەنىپ، وركەندەي بەرسىن، – دەدى دانيال احمەتوۆ.

شارا وبلىستىڭ كوركەم-شىعارماشىلىق ۇيىمدارىنىڭ قاتىسۋىمەن كونسەرتتىك باعدارلامامەن جالعاسىن تاپتى.

ايماقتىڭ ءار وڭىرىنەن كەلگەن اۋدان كاسىپكەرلەرى جارمەڭكە بارىسىندا وزدەرىنىڭ اۋىل شارۋاشىلىق ونىمدەرىن ۇسىنسا، وبلىستىڭ سپورتشىلارى ەركىن كۇرەس، گىر كوتەرۋ، قول كۇرەس سىندى سايىستاردان ب ا ق سىناۋدا. سونىمەن قاتار، بۇل كۇنى جەڭىل اتلەتيكادان وسكەمەن قالاسىنىڭ بىرىنشىلىگى وتۋدە.

جالپى، كونستيتۋسيا كۇنىنە وراي شىعىس قازاقستان وبلىسىندا 800-گە جۋىق مەرەكەلىك شارا ۇيىمداستىرىلۋدا.