قازاقستاندىق ۇيالى بايلانىس وپەراتورى Kcell مەن Ericsson كومپانياسى 4G|LTE جۇيەسىن ىسكە قوستى، - دەپ حابارلايدى Qamshy.kz.
ب ا ق ءۇشىن وتكەن جيىنعا كەلگەن اقپارات جانە كوممۋنيكاسيالار ۆيسە-مينيسترى ساكەن سارسەنوۆ 2015 جىلى مينيسترلىك 4G/LTE ءۇشىن جيىلىك ءبولۋ تۋرالى شەشىم قابىلداعانىن جانە بولىنگەن جيىلىكتى ۇيالى بايلانىس كومپانيالارىنا ساتقانىن ايتتى.
قازاقستاندىق وپەراتورلاردىڭ اراسىندا 4G جەلىسىن سوڭعى قوسقان ۇيالى بايلانىس وپەراتورى وكىلىنىڭ ايتۋىنشا، 4G جەلىسىنىڭ 3G-دەن ايىرماشىلىعى ينتەرنەتتەگى پاراقشالار تەز اشىلادى، الەۋمەتتىك جەلىگە سۋرەت جۇكتەۋ، فايلداردى وزىڭىزگە باسىپ الۋ 5 ەسە جىلدام ىسكە اسادى.
ايتا كەتەيىك، قازىرگى ۋاقىتتا 4G جەلىسى قازاقستاننىڭ 13 قالاسىندا قولجەتىمدى بولىپ وتىر.
