ق ر پرەزيدەنتى ءىس باسقارماسىنا قاراستى اۆتوشارۋاشىلىق كاسىپورنى تىلەك بىلدىرۋشىلەرگە قىمبات كولىكتەرمەن تاسىمال قىزمەتىن كورسەتەتىنىن جاريالادى، - دەپ حابارلايدى Qamshy.kz.
ءتىپتى ول تۋرالى جارنامالىق روليك تە ازىرلەنىپ، جەلىگە ورنالاستىرىلىپتى.
مەرسەدەس، تويوتا، حيۋنداي، بمۆ، نيسسان، فولكسۆاگەن ماركالى كولىكتەرمەن تاسىمال قىزمەتىن ۇسىنۋعا نيەتتى كاسىپورىن ۇيلەنۋ تويىنا ارنالعان كورتەجدەرگە شىعاتىن كولىكتەردە اDM سەريالى مەملەكەتتىك تىركەۋ ءنومىرى بولمايتىنىن حابارلاعان.
پرەزيدەنتتىك كورتەجدەگى كولىكتەردىڭ قىزمەت اقىسى دا ءارتۇرلى ەكەن. ماسەلەن، S كلاستى مەرسەدەس-بەنس جەڭىل كولىكتەردى جالعا الۋدىڭ قۇنى ساعاتىنا 6 مىڭ تەڭگە، ال، ە كلاستى مەرسەدەستەردىكى 3 مىڭ، بمۆ 5 مىڭ تەڭگەدەن باستالاتىن كورىنەدى.
«ق ر پرەزيدەنتىنىڭ ءىس باسقارماسى اۆتوشارۋاشىلىعى» رمك سايتىندا تومەندەگىدەي حابارلاما ءماتىنى ورنالاستىرىلعان:
«بۇگىنگى كۇنى كاسىپورىندا جايلى جەڭىل كولىكتەر، شاعىن اۆتوبۋستار مەن ءارتۇرلى ماركالى شەتەل اۆتوبۋستارى، سونىمەن قاتار VIP اۆتوكولىكتەرى بار. ءبىز وكىلدىك كلاسستاعى Mercedes، BMW، Toyota، Nissan، Volkswagen اۆتوكولىكتەرىن، Toyota جانە Hyundai ماركالى جايلى اۆتوبۋستار مەن شاعىن اۆتوبۋستار ۇسىنامىز.
كولىكتىك قىزمەتتى جوعارى بىلىكتى جۇرگىزۋشىلەر كورسەتەدى، جانە دە كولىكتىڭ تەحنيكالىق جاعدايى كۇردەلى دە ۇزاق تاپسىرىستاردا جۇمىس ىستەۋگە مۇمكىندىك بەرەدى.
كورسەتىلگەن قىزمەتكە سىزدەرگە ىڭعايلى جولمەن تولەم تولەۋگە بولادى: قولما-قول نەمەسە قولما-قول اقشاسىز ەسەپ ايىرىسۋ. كاسىپورىن سىزدەرگە ساپالى جانە جىلدام قىزمەت كورسەتۋ، جۇرگىزۋشىسى بار كولىككە قولايلى باعا جانە ءاربىر كليەنتكە دارا ءتىل تابۋدى ۇسىنادى!».
