ينسۋلت الىپ، اۋرۋحانادا جاتىر دەلىنگەن وزبەكستان پرەزيدەنتى يسلام كارىموۆتىڭ تاۋەلسىزدىك كۇنىمەن قۇتتىقتاۋى وزبەك تەلەارنالارىندا وقىلدى، - دەپ حابارلايدى Qamshy.kz.

وزبەك جانە ورىس تىلىندە وقىلعان قۇتتىقتاۋ سونداي-اق، پرەزيدەنت باسپا ءسوز قىزمەتىنىڭ سايتىنا دا ورنالاستىرىلعان.

قۇتتىقتاۋدا وزبەكستاننىڭ تاۋەلسىزدىك جىلدارى جەتكەن جەتىستىكتەرى، ەكونوميكالىق-الەۋمەتتىك دامۋ جايى ايتىلعان.

ي. كارىموۆ قۇتتىقتاۋىندا  ەلدىڭ تاڭداعان جولىنىڭ دۇرىستىعىن ۋاقىتتىڭ ءوزى دالەلدەگەنىن ايتادى.

«شىنىمەن دە، تاۋەلسىزدىكتىڭ العاشقى كۇنىنەن باستاپ ءبىزدىڭ تىلەگىمىزدىڭ قانشا قيىن، قانشا ءقاۋىپتى بولعانىنا، ءار قادامىمىز كەدەرگىلەر مەن توسقاۋىلدارعا تولى بولعانىنا، وتكىر ماسەلەلەرگە قاراماستان، ءبىز ەلىمىزدىڭ بۇگىنى مەن ەرتەڭگى مىندەتتەرىنە جاۋاپ بەرەتىن تەرەڭ ويلاستىرىلعان ستراتەگيانى ساتىلاپ ازىرلەۋدى جالعاستىرا بەردىك»، - دەلىنگەن قۇتتىقتاۋدا.

سونداي-اق، رەسپۋبليكا حالقى مەن ونىڭ پرەزيدەنتى ءبىرقاتار ەلدەردىڭ باسشىلارى دا قۇتتىقتاعان.

1991 جىلدىڭ 31 تامىزىندا كسرو قۇرامىنان تاۋەلسىزدىگىن العان وزبەكستان 1 قىركۇيەكتە تاۋەلسىزدىك كۇنىن اتاپ وتەدى.

بۇعان دەيىن ي. كارىموۆتىڭ ينسۋلت الىپ، اۋرۋحاناعا تۇسكەنى حابارلانعان بولاتىن.