بۇگىن استانادا ق ر قارجى مينيسترلىگىنىڭ عيماراتىندا توتەنشە جاعداي بولىپ، قىزمەتكەرلەر ەۆاكۋاسيالاندى، - دەپ حابارلايدى Qamshy.kz BNews.kz - كە سىلتەمە جاساپ.
ساعات 8:30-دا اۆتوماتتى ءورت ءسوندىرۋ جۇيەسى ىسكە قوسىلعانى تۋرالى حابارلاما كەلىپ ءتۇتى. بۇل تۋرالى كۋاگەرلەر دە الەۋمەتتىك جەلىدە جازعان بولاتىن.
«كۋاگەرلەر ءتۇتىن تۋرالى حابارلاعان، الايدا شىن مانىسىندە 5-6 قاباتتىڭ تەرەزەسىنەن اەروزولدى توزاڭ شىعىپ جاتىر. سەبەبى اۆتوماتتى ءورت ءسوندىرۋ جۇيەسى ىسكە قوسىلدى»، - دەپ مالىمدەدى ق ر ءىىم تجك رەسمي وكىلى رۋسلان يمانقۇلوۆ.
قازىرگى تاڭدا ءتۇتىن نەمەسە ءورت بايقالمايدى. وقيعا ورنىنا سارىارقا اۋدانى بويىنشا تج باسقارماسىنىڭ قىزمەتكەرلەرى اتتاندى. ولار ءورت ءسوندىرۋ جۇيەسىنىڭ نەدەن ىسكە قوسىلعانىن تەكسەرەدى. ازىرگە ەۆاكۋاسيالانعان قىزمەتكەرلەر ىشكە كىرگەن جوق.
