ماماندار 1200 ورىندىق 10 مەكتەپتى الىپ، ءاربىر ايماقتا جوباسى بىردەي مەكتەپ قۇرىلىسىنا كەتەتىن شىعىندى سالىستىرىپ كوردى. سوندا ول شىعىندارىنىڭ ايىرماشىلىعى 900 ملن.تەڭگەدەن 2 ملرد. تەڭگەگە دەيىن جەتكەن. مەكتەپتەردى سالعان ون مەردىگەردىڭ ىشىندە 8 قۇرىلىس كومپانياسىندا سالىقتان جالتارۋ سxەمالارى بايقالدى. وسىنداي سxەمالاردىڭ سالدارىنان ەل بيۋدجەتىنە 1 ترلن. تەڭگەنىڭ سالىعى تولەنبەي قالعان، دەپ xابارلايدى Qamshy.kz Baq.kz - كە سىلتەمە جاساپ.

بۇگىندە مەملەكەتتىك باعدارلامالار بويىنشا بيۋدجەتتەن قىرۋار قارجى ءبولىنىپ وتىرادى. وسىعان بايلانىستى ەكونوميكالىق تەرگەۋ قىزمەتى مەملەكەتتىك ساتىپ الۋلارعا قاتىساتىن كاسىپورىنداردىڭ سالىق تولەۋ قىزمەتىن تەكسەرىپ شىقتى. ماسەلەن، وسى ۋاقىتقا دەيىن "نۇرلى جول" باعدارلاماسى بويىنشا يگەرىلگەن اقشانىڭ سومماسى 400 ملرد. تەڭگەدەن استى. سول سياقتى "وڭىرلەردى دامىتۋ" مەملەكەتتىك باعدارلاماسى اياسىندا بولىنگەن 159 ملرد. تەڭگە بار. سونداي-اق "سامۇرىق-قازىنا" قورى بويىنشا بەرىلگەن قارجى از ەمەس.

"ءبىز ءوزىمىزدىڭ اقپاراتتىق جۇيەلەرىمىزدى پايدالانا وتىرىپ، اتالعان ساناتتار بويىنشا تاۋار مەن قىزمەتتەردى جەتكىزىپ جۇرگەن كاسىپورىنداردىڭ سالىق تولەۋ قىزمەتىنە مونيتورينگ وتكىزدىك. بيۋدجەت قاراجاتىن يگەرۋدىڭ بارلىق ساناتتارى بويىنشا سالىقتان جالتارۋدىڭ "سۇر"، ياعني زاڭسىز سxەمالارى انىقتالدى. وندا جالعان كاسىپكەرلىك نىسانداردى قۇرۋ جانە تاعى باسقا ارەكەتتەردى پايدالانعان. وسىنداي كۇدىك تۋعىزاتىن كاسىپورىنداردىڭ ەسەپ-قيسابى 3 تريلليون تەڭگەنى قۇرادى. الدىن الا بولجام بويىنشا بيۋدجەتكە 1 ترلن. تەڭگەنىڭ سالىعى تولەنبەي قالدى"،-دەيدى ق ر قارجى مينيسترلىگىنىڭ مەملەكەتتىك كىرىستەر كوميتەتى ەكونوميكالىق تەرگەۋ قىزمەتىنىڭ باسقارما باسشىسىنىڭ ورىنباسارى ابزال بايمانوۆ.

ونىڭ سوزىنە قاراعاندا، تەكسەرىس كەزىندە ماماندار 1200 ورىندىق 10 مەكتەپتى الىپ، ءاربىر ايماقتا ءبىر مەكتەپتىڭ قۇرىلىسىنا كەتەتىن شىعىندى سالىستىرىپ كوردى. سوندا بىردەي مەكتەپتى سالۋ شىعىندارىنىڭ ايىرماشىلىعى 900 ملن.تەڭگەدەن 2 ملرد. تەڭگەگە دەيىن جەتكەن.

"سول ون مەكتەپتى سالعانداردىڭ ىشىندە 8 مەردىگەردىڭ سالىق جۇكتەمەسى تومەن بولدى. بۇل دەگەنىمىز، ول كومپانيالاردا سالىقتان جالتارۋ سxەمالارى بولعان"،- دەيدى ا.بايمانوۆ.

ونىڭ ايتۋىنشا، بۇگىنگى زاڭناماعا سايكەس، تاپسىرىس بەرۋشى ورىنداۋشى ءۇشىن جاۋاپ بەرمەيدى. سول سەبەپتى ەكونوميكالىق تەرگەۋ قىزمەتى جەرگىلىكتى بيلىكتىڭ اراسىندا ءتۇسىندىرۋ جۇمىستارىن وتكىزۋمەن شەكتەلدى.