ماڭعىستاۋ وبلىسىنىڭ 17 جاستاعى تۇرعىنى ءوز ۇيىنەن كەتىپ قالىپ، جوعالىپ كەتكەن، - دەپ حابارلايدى Qamshy.kz Tengrinews.kz - كە سىلتەمە جاساپ.

اماندىق ساتىبالدييەۆ 26 تامىزدا ماڭعىستاۋ-5 اۋىلىنداعى ءوز ۇيىنەن كەشكى ۋاقىتتا كەتىپ قالعان. جاس جىگىت قارا فۋتبولكا، كوك ءتۇستى شالبار جانە كوك اياقكيىم كيگەن.

اكەسى بالاسىنىڭ ءۇش جىل بويى ءبىر قىزبەن كەزدەسىپ جۇرگەنىن جانە قىزىنان ءوز سەزىمىن جاسىرماعانىن ايتتى. اماندىقتىڭ اكە-شەشەسى ەكەۋىنە قولداۋ كورسەتكەن، الايدا قىز جاق كەلىسىم بەرمەگەن كورىنەدى. 

"ونىڭ اناسى ەكەۋىنىڭ قارىم-قاتىناسىنا قارسى بولاتىن. اماندىقتىڭ كەتۋىنەن ءبىر كۇن بۇرىن WhatsApp ارقىلى جازىسقان، ول ءوزىنىڭ قىزىنىڭ تەلەفونىن الىپ، اماندىققا ەكەۋىنىڭ ايىرىلىسۋىن جازعان. الايدا مەنىڭ ۇلىم قىزدى جاقسى كورەتىنىن ايتىپ، ودان ايىرىلمايتىنىن ايتقان، - دەيدى اماندىقتىڭ اكەسى مۇرات يشيمبەكوۆ.

وسى حات الماسۋدان كەيىن ءبىر كۇن وتكەندە اماندىق ۇيدەن كەتىپ قالادى. كەتەر كۇنى ول WhatsApp مەسسەندجەرىنىڭ پروفيلىندە جازبا قالدىرىپ كەتكەن: "ءبىر كۇنى سەن دە مەنى ساعىناسىڭ، دۇرىس ءتۇسىن وسى ءسوزدىڭ ماعىناسىن...".

"ارينە ءبىز بالامىزدىڭ جوعالىپ كەتكەنى جونىندە پوليسياعا حابار بەردىك. اماندىقتىڭ تەلەفونى ءسوندىرۋلى"، - دەدى بالانىڭ اكەسى.

"اماندىق سىپايى ءارى تىك مىنەزدى بولعان. شىلىم شەكپەيتىن، ىشىمدىك ىشپەيتىن، سپورتپەن اينالىساتىن، بەلتەمىرگە تارتىلعاندى ۇناتاتىن"، - دەيدى اكەسى. ءقازىر ونى ۇيىندە اناسى مەن اكەسى 5 جاستاعى قارىنداسى مەن توعىز جاستاعى ءىنىسى كۇتىپ وتىر. سونىمەن قاتار، قىزبەن جانە ونىڭ اتا-اناسىمەن حابارلاسۋ مۇمكىن بولماي وتىر.

"جوعالعان مۇراتتى تۋىستارى مەن دوستارى جانە بارلىق تانىسارى ىزدەستىرىپ جاتىر. ەگەر ونىڭ قايدا تۇرىپ جاتقانىن بىلسەڭىز بىزگە حابارلاسۋدى مۇرايمىز"، - دەيدى بالانىڭ اكەسى. اماندىقتىڭ قايدا جۇرگەنىن بىلسەڭىزدەر تومەندەگى تەلەفوندارعا حابارلاسىڭىزدار - 8 778 382 2540 جانە 8 775 379 3344.