الداعى ۋاقىتتا قمدب ءابۋ حانيفا زەرتتەۋ ورتالىعىن قۇرادى، دەپ حابارلايدىتengrinews.kz ءتىلشىسى باس ءمۇفتي ەرجان مايامەروۆقا سىلتەمە جاساپ.

استانادا ق ر ءدىن ىستەرى اگەنتتىگى "ورتالىق ازياداعى يسلامنىڭ ءرولى" دەگەن تاقىرىپتا حالىقارالىق كونفەرەنسيا وتكىزگەن بولاتىن. جيىن بارىسىندا ءسوز سويلەگەن قازاقستان رەسپۋبليكاسىنىڭ باس ءمۇفتيى ەرجان مايامەروۆ يسلامدى وركەندەتۋگە قاتىستى، "الداعى ۋاقىتتا ءابۋ حانيفا زەرتتەۋ ورتالىعى قۇرىلادى"، - دەپ مالىمدەدى.

اتالعان كونفەرەنسيادا يسلامنىڭ دامۋىنا ايتارلىقتاي ۇلەس قوسقان ورتالىق ازيانىڭ ءرولى تالقىلاندى. ءدىن سالاسىنداعى قارىم-قاتىناستى رەتتەۋ جانە ءدىني ەكسترەميزمگە قارسى تۇرۋ ماسەلەلەرىمەن اينالىساتىن رەسەي، وزبەكستان، تاجىكستان، قىرعىزستان، تۇركيا، ەگيپەت ەلدەرىنەن ساراپشىلار مەن ءدىنتانۋشىلار قاتىستى.

جيىن بارىسىندا يسلام ءدىنىنىڭ ءرولى مەن قازاقستان مەن ورتالىق ازيا مەملەكەتتەرىنىڭ  مادەني جانە رۋحاني تۇرعىدان دامۋىنداعى ىقپالى تالقىلانىپ، ورتالىق ازيا ايماعىنان شىققان مۇسىلمان ويشىلدارىنىڭ عىلىمي، ادەبي، مادەني مۇرالارىنىڭ قازىرگى ۋاقىتتاعى ەكسترەميستىك يدەيالاردىڭ تارالۋىنا يدەولوگيالىق تۇرعىدا بوگەت بولا الاتىنىن اتالدى.

"ورتالىق ازيا يسلام دامۋىنىڭ  تاريحي ورتالىعى. بۇعان وسى ايماق عالىمدارىنىڭ باي مۇراسى مەن يسلام دامۋىنا قوسقان ۇلكەن ۇلەسى كۋا بولىپ وتىر. دەگەنمەن اتقارىلاتىن ىستەر ءالى دە جەتەرلىك. سەبەبى، يسلام ءدىنىنىڭ الەۋمەتتىك -مادەني فەنومەنى سان قىرلى جانە ءپانارالىق زەرتتەۋدى تالاپ ەتەدى"، - دەدى ءدىن ىستەرى اگەنتتىگىنىڭ ءتوراعاسى م.ءازىلحانوۆ.