پەدوفيلدەرگە ءولىم جازاسى كەسىلۋى مۇمكىن. ءماجىلىس دەپۋتاتى، بالا قۇقىقتارى جونىندەگى ۋاكىل زاعيپا بالييەۆا وسىلاي دەدى، - دەپ حابارلايدى Qamshy.kz استانا ارناسىنا سىلتەمە جاساپ.

ايتۋىنشا، بالالارعا ءزابىر كورسەتكەندەر اۋەلى زاڭ اياسىندا جازالانادى. دەسە دە، ماجىلىسمەن بۇلارعا قاتىستى زاڭ ءالسىز ەكەنىن مويىندايدى. وسىعان وراي الداعى ۋاقىتتا قۇجاتقا تاعى دا وزگەرىستەر ەنگىزىلمەك. ەگەر وسىدان كەيىن دە قىلمىس قاتارى ازايماسا، ءولىم جازاسىن قولدانامىز، - دەپ قوستى دەپۋتات. 

زاڭدى قاتاڭداتۋ كەرەك. سەبەبى ءقازىر وننان ون بەس جىلعا دەيىن تۇرمەگە جىبەرەدى. مەنىڭشە، بۇكىل ومىرگە تۇرمەگە جابۋ كەرەك، - دەيدى ق ر پارلامەنت ءماجىلىسىنىڭ دەپۋتاتى زاعيپا بالييەۆا.

بۇگىن دەنساۋلىق ساقتاۋ جانە الەۋمەتتىك دامۋ ءمينيسترى اقتاۋدا زورلانعان 6 جاسار قىزدىڭ جاعدايى ءالى دە اۋىر ەكەنىن ايتتى. كوپ قان جوعالتقان ءسابي ەسىن جياعان جوق. جاقىندا ول ساناۆياسيامەن استاناعا جەتكىزىلگەن بولاتىن.