جۋرناليست ماناس بەستايەۆ فەيسبۋك الەۋمەتتىك جەلىسىندە وزىنە سالافيا اعىمىن ۇستانۋشىلار تاراپىنان شابۋىل جاسالىپ جاتقانىن ايتىپ دابىل قاقتى، - دەپ حابارلايدى Qamshy.kz.

م. بيستايەۆتىڭ ايتۋىنشا، تەرىس اعىم وكىلدەرىنە پوليسيا قىزمەتكەرلەرى دە كومەككە كەلگەن كورىنەدى.

«بۇگىن ساعات 14.34-تە ۇيىمە ەكى ايەل جانە ساقال قويعان ءبىر جىگىت باسىپ كىردى. ەر ادام بولعان وقيعانى ۆيدەوعا ءتۇسىرىپ تۇردى. ايەلدەردىڭ ءبىرى ماعان جۇدىرىق الا جۇگىردى. ساعات 14.47-دە ۇيگە پوليسيا كەلدى. ولارعا ماعان شابۋىل جاساعان ايەل ارىز ءتۇسىرىپ، مەنىڭ تەپكەنىمدى، سودان جاراقات العانىن ايتىپتى»، - دەپ جازادى م. بيستايەۆ ءوز پاراقشاسىندا.

پوليسياعا امالسىز ەسىك اشقان ءجۋرناليستى قۇقىققورعاۋ ورگانىنىڭ قىزمەتكەرلەرى الماتى قالاسى اۋەزوۆ اۋدانى ىىب-گە جەتكىزگەن. وندا ءجۋرناليستىڭ كەزەكشى پروكۋرورمەن جولىقتىرۋ تۋرالى وتىنىشىنە پوليسيا قىزمەتكەرلەرى قۇلاق اسپاعان.

«ودان ءارى مەنى ەسىرتكى پايدالانعان، پايدالانباعانىمدى انىقتاۋ ءۇشىن مەديسينالىق كۋالاندىرۋعا اپاردى. جول بويى مەنەن ايەلدى ۇردىم دەپ مويىنداۋىمدى تالاپ ەتتى»، - دەپ جازادى جۋرناليست.

م. بيستايەۆ ناركولوگيالىق ورتالىقتان ءوزى كەتىپ قالعان. ارتىنان پوليسيا قۋۋعا ارەكەتتەنبەپتى.

جۋرناليست وزىنە جاسالعان شابۋىلدى سالافيا اعىمى وكىلدەرى مەن پوليسيا بىرلەسىپ ىستەپ وتىر دەپ سانايدى. جۋرناليست ءوزىنىڭ قۇجاتتارىن ۇيىنە كەلگەن پوليسەي ساقالدى جىگىتكە سۋرەتكە تۇسىرۋگە بەرگەنىن دە ايتىپ وتىر.

م. بيستايەۆ بۇعان دەيىن ەلدەگى تەراكتىلەرگە قاتىستى جۋرناليستىك زەرتتەۋلەر جۇرگىزىپ، سالافيزم اعىمى تۋرالى وتكىر ماتەريالدار جازعانىن ايتادى. جۋرناليست پوليسەيلەردىڭ ارەكەتىنە نارازىلىق ءبىلدىرىپ، سوتقا ارىز تۇسىرمەك نيەتتە.