سولتۇستىك قازاقستان وبلىسىندا ماقساتسىز پايدالانىلعان 115 اۋىلشارۋاشىلىق جەر تەلىمى مەملەكەتكە قايتارىلدى. ونىڭ جالپى قاداسترلىق قۇنى 10 ملرد تەڭگەگە باعالانعان، - دەپ حابارلايدى Qamshy.kz 24.kz - كە سىلتەمە جاساپ.
پروكۋرورلار كەيبىر فەرمەرلەردىڭ جەرگە كۇتىم جاساماي، قۇنارلىعىن ناشارلاتىپ جىبەرگەنىن انىقتادى. ەگىن ەكپەي، سالىقتان جالتارىپ كەلگەندەرى دە بار. قاداعالاۋشى ورگان قىزمەتكەرلەرى جايباسارلىققا جول بەرگەندەردى اكىمشىلىك جاۋاپقا تارتىپ، 135 ملن تەڭگە ءوندىردى. بۇگىنگى تاڭدا وبلىس بويىنشا 500 مىڭ گەكتار جەر قايتادان اينالىمعا شىعارىلدى. ەندى ولار بايقاۋ ارقىلى باسقا اگروقۇرىلىمدارعا بەرىلەدى.
- قايتارىلعان جەرلەر اۋىل شارۋاشىلىعى اينالىمىنا شىعارىلدى. ءبىز ولاردى ىنتالى شارۋالاردىڭ قولىنا بەرەمىز. تالاپ قاتاڭ. بايقاۋعا تۇسكەن اگروقۇرىلىمداردىڭ ماتەريالدىق-تەحنيكالىق بازاسى تولىق بولۋى ءتيىس، - دەيدى وبلىستىق پروكۋراتۋرا باسقارماسىنىڭ اعا پروكۋرورى گۇلميرا بوپانوۆا.
