ۇزاق جىلدار پەتەربورداعى كۋنستكامەرادا ساقتالىپ كەلگەن كەيكى باتىردىڭ باس سۇيەگى جاقىن كۇندەرى قازاقستانعا قايتارىلاتىن بولدى، - دەپ حابارلايدى Qamshy.kz 24.kz - كە سىلتەمە جاساپ.
بۇل تۋرالى ق ر مادەنيەت جانە سپورت ءمينيسترى ارىستانبەك مۇحامەدي ۇلى مەن رەسەيدىڭ مادەنيەت ءمينيسترى ۆلاديمير مەدينسكييمەن كەزدەسۋى بارىسىندا بەلگىلى بولدى.
تاريحشىلار جوعارىدا اتالعان مۋزەيدە كەيكى باتىردان وزگە قازاقتىڭ تاعى جەتى باتىرىنىڭ سۇيەگى ساقتالعانىن ايتادى. كەيىنىرەك ولاردى دا ەلىمىزگە اكەلىپ، ارۋلاپ جەرلەيتىن بولادى.
رەسەيدىڭ مادەنيەت ءمينيسترى بۇل جادىگەرلەردىڭ قازاق حالقى ءۇشىن، قازاقستان تاريحى ءۇشىن قانشالىقتى ماڭىزدى ەكەنىن ەسكەرە وتىرىپ، ءوز عالىمدارىنا اتالعان سۇيەكتەردى قايتا زەرتتەپ شىعۋدى تاپسىرعاندارىن ايتتى.
-مەنىڭ ويىمشا، ءبىز باس-اياعى ەكى اپتانىڭ ىشىندە باس سۇيەكتى قازاقستانعا اكەلەمىز. ءقازىر ۆەنگريالىق عالىمدارمەن كەلىسىم بار، ولار دنك انىقتاماسىن الدى، - دەيدى رق مادەنيەت جانە سپورت ءمينيسترى ارىستانبەك مۇحامەدي ۇلى.
