شوتلانديا ۇلىبريتانيادان ءبولىنىپ شىعۋ تۋرالى رەفەرەندۋمنىڭ زاڭدىق نەگىزىن دايىنداۋدى باستادى. بۇل تۋرالى ەل ۇكىمەتىنىڭ ءبىرىنشى ءمينيسترى نيكولا ستەردجەن حابارلادى. وتكەن اپتادا ول بۇكىل ەل كولەمىندە وسى ماسەلەگە بايلانىستى قوعامدىق زەرتتەۋ جۇرگىزىلەتىنىن مالىمدەگەن ەدى.
«سەگودنيا.ua»ء-نىڭ حابارلاۋىنشا، ستەردجەن حانىم بۇعان دەيىن ۇلىبريتانيانىڭ ەۋروپالىق وداقتان شىعۋى جونىندەگى 23 ماۋسىمدا وتكەن رەفەرەندۋمعا بايلانىسسىز، شوتلانديانىڭ ەو قۇرامىندا قالۋى كەرەكتىگىن ايتقان.
2014 جىلدىڭ قىركۇيەك ايىندا شوتلانديادا ۇلىبريتانيادان ءبولىنىپ شىعۋ تۋرالى رەفەرەندۋم وتكەن بولاتىن. ول كەزدە تۇرعىنداردىڭ 55 پايىزى ەلدىڭ ۇلىبريتانيا قۇرامىنان شىعۋىنا قارسى داۋىس بەرگەن.
