سانكت-پەتەربۋرگتەگى كۋنستكامەرادا ۇزاق ۋاقىت ساقتالعان كەيكى باتىردىڭ باسسءۇيەگى جاقىن كءۇندەرى قازاقستانعا قايتارىلادى.

قۋانىشتى حابار ق ر مادەنيەت جانە سپورت ءمينيسترى ارىستانبەك مۇحامەدي ۇلى مەن رەسەيدىڭ مادەنيەت ءمينيسترى ۆلاديمير مەدينسكييدىڭ ماسكەۋ قالاسىنداعى كەزدەسۋىندە بەلگىلى بولدى،  - دەپ حابارلايدى Qamshy.kz  «ۇلت اقپارات»  ينتەرنەت- باسىلىمىنا سىلتەمە جاساپ.

قازاقستاندىق تاريحشىلار پەتەربۋرگتەگى مۋزەيدە كەيكى باتىردان وزگە، قازاقتىڭ تاعى جەتى باتىرىنىڭ باسسۇيەگى ساقتالىپ تۇرعانىن ايتادى. ولاردى دا ەلگە قايتارۋ جوسپارى قويىلىپ وتىر.

«بۇل باسسۇيەكتەردىڭ قازاق حالقى ءۇشىن، قازاق تاريحى ءۇشىن اسا ماڭىزدى ەكەنىن ەسكەرە وتىرىپ، ولاردىڭ ەندىگى تاعدىرى نە بولاتىنىن ويلاستىرۋدى عالىمدىرىمىزعا مۇقيت تاپسىردىق»، - دەيدى رەسەيدىڭ مادەنيەت ءمينيسترى.

ارىستانبەك مۇحامەدي ۇلى باسسۇيەكتىڭ الداعى ەكى اپتا ىشىندە قازاقستانعا قايتارىلاتىنىن ايتتى. «ۆەنگر عالىمدارىمەن كەلىسسوزدەر جۇرگىزدىك. ولار باسسۇيەكتىڭ كەيكى باتىرعا تيەسىلى مە ەكەندىگىن دنق ارقىلى ساراپتاپ جاتىر»، - دەيدى  ق ر مادەنيەت جانە سپورت ءمينيسترى.

ايتا كەتسەك، ۇكىمەت باسشىسى كارىم ءماسىموۆ كەيكى باتىردىڭ باسسۇيەگىن ەلگە قايتارۋ تۋرالى باستاما كوتەرىپ، رەسەي ۇكىمەتىنىڭ باسشىسى دميتريي مەدۆەديەۆكە ۇسىنىس تاستاعان بولاتىن.