تىرەك-قيمىل قوزعالىسى شەكتەلگەن قازاقستاندىق بالالارعا قىتايلىق دارىگەرلەر وپاسىزدىق جاسادى. 13 مۇگەدەك بالانى اتا-انالارى بەيجىڭگە الىپ بارىپ، ەم-دوم ءۇشىن بىرلەسىپ، باس-اياعى 200 مىڭ دوللار اقشانى جيناپ بەرگەن، - دەپ حابارلايدى Qamshy.kz حابار ارناسىنا سىلتەمە جاساپ.

الايدا قىتايلىق دارىگەرلەر ءتيىستى دارى-دارمەكتىڭ ورنىنا بوتوكس بەرگەن. ياعني بۇگىندە قازاقستاندا بۇل – تەگىن بەرىلەتىن زات. جۇڭگو ءتىلىن تۇسىنەتىن اتا-انالاردىڭ ءبىرى دارىگەرلەردىڭ اڭگىمەسىنە قۇلاق ءتۇرىپ، الدانعاندارىن اڭعارعان. 

بالالاردى اياققا تۇرعىزامىز دەگەن ءدارى ەشقانداي اسەر بەرمەگەن. باۋىر ەتى بالالارى ءۇشىن قوماقتى نەسيە العان اتا-انالار ەندى اقشالارىن قايتارۋدىڭ امالدارىن قاراستىرىپ جاتىر. 

تامارا دۇيسەنوۆا، ق ر دەنساۋلىق ساقتاۋ جانە الەۋمەتتىك دامۋ ءمينيسترى:

 -قازاقستان ازاماتتارى ءوز ەرىكتەرىمەن دارىگەر تاڭداۋعا قۇقىلى. ءارى قاي ەلدە ەمدەلەتىنىن دە وزدەرى شەشەدى. بۇل مەملەكەتتەن قايتىپ كەلگەن ناۋقاستارعا قازاقستاندا ءتيىستى مەديسينالىق كومەك كورسەتىلىپ جاتىر. اقشانى ولار ءوز ەرىكتەرىمەن بەرگەن. سوندىقتان بۇل ءبىزدىڭ قۇزىرىمىزداعى ماسەلە ەمەس.