قىرىمنىڭ ۋكرايننان وڭاي ءبولىنۋى رەسەيمەن شەگارالاس ءبىراز حالىققا ۇيقى بەرمەي جاتىر. ءبارىنىڭ كوكسەگەنى ايعاي-شۋ كوتەرىپ قازاقتى پروۆوكاسياعا يتەرمەلەۋ (ونىڭ سوڭى نەمەن اياقتالاتىنىن لۋگانسك پەن دونەسك كورسەتىپ جاتىر). پروۆوكاسيا جۇزەگە اسسا "يۋجانە ناس ۋبيۆايۋت، ۋششەمليايۋت پو ياز.پرينسيپۋ" دەپ شۋلاي جونەلمەك. سول ءۇشىن جارىلقاپ اعانى جانە "اڭىز ادامدى" بارىنشا قورلاي بەرمەك (قازاقتار كوتەرىلمەگەنشە)، ءبىرىنشى "جۋرنال جابىلسىن"، "ەندى ميتينگ" دەيدى، سوسىن سوت! قازاق ول كەزدە دە كوتەرىلمەسە وتقا ورتەيتىن شىعار!؟ بۇنىڭ الدىن تايچيبەكوۆتى، ليمونوۆتى، سوسىن جيرينوۆسكيي جىبەردى، كەيىن شتىعاشيەۆتى ايداپ سالدى، ەندى ولار ءبىزدىڭ "اڭىز ادامدى" وقي باستاپتى! قازاقتى كوتەرۋ ءۇشىن، ايعاي-شۋدى باستاۋ ءۇشىن تاعى قانداي قادامعا بارار ەكەن؟! وسىنداي جاعدايدا بار تاڭىم ءبىزدىڭ بيلىككە، ادەتتە "ۇلتارالىقتى" مىقتى ساقتاپ، كەز-كەلگەن شۋدى وڭاي باساتىن ولار نەگە قازاقتى اشىندىرا بەرەدى!؟ قىسقاسى، پروۆوكاسياعا بەرىلمەيىك! مەن ۇلتتار دوستىعىنا سەنەمىن! باستىسى قازاقستانداعى قازاق پەن ورىس دوس بولسا بولدى! بەرىك بولايىق، ارباۋعا كونبەيىك!
ورىندى سۇراق تۋىندايدى: "ەندى نە ىستەۋ كەرەك؟". نامىسىمىز تاپتالىپ، جاعامىز جاتتىڭ ۋىسىندا تۇرعانى ھاق. جاردان قۇلاپ بارا جاتقان رەسەي ءبىزدى سول جاققا سۇيرەپ كەتپەۋ ءۇشىن قانداي قادامدار كەرەك؟ ءبىر سوزبەن وسى سۇراققا جاۋاپ بەرە الماسىمىز تاعى شىندىق. سول سەبەپتى ءالى كوپ اقىلداسۋ كەرەك. "كۇلتوبەنىڭ باسىندا كۇندە جيىن" كەرەك سياقتى بۇگىنگى قازاققا. ءبىز سوعىستان، ۇلت ءۇشىن ولىمنەن قاشپايمىز، قارۋ ۇستاۋ قانىمىزدا بار.
