كەلەسى جىلى شىعىس قازاقستاننىڭ وبلىس ورتالىعىندا قۇرىلىسىندا ارحيتەكتۋرانىڭ سوڭعى ۇلگىلەرى پايدالانىلعان جاڭا پارك اشىلادى، - دەپ حابارلايدى Qamshy.kz.

پارك پەن مونۋمەنت قالانىڭ سول جاق بولىگىندە ورنالاسادى. وسكەمەن قالاسى ءۇشىن بۇل كۇتپەگەن ءارى بىرەگەي ارحيتەكتۋرالىق شەشىم. 5 گا ايماققا ارنالعان پاركتە دەمالىس ورىندارى، بالالار ويىن جانە سپورت الاڭدارى، شاعىن ارحيتەكتۋرالىق كەسكىندەر، ورىندىقتار،   LED جارىق شامدارى ورناتىلىپ، 500 اعاش كوشەتى وتىرعىزىلادى. پاركتىڭ ءدال ورتاسىندا قازاقستان حالىقتارى بىرلىگىنىڭ سيمۆولى رەتىندە «نۇرلى جول» مونۋمەنتى ورناتىلادى. مەملەكەتتىك تۋدىڭ تۇسىمەن بويالعان مونۋمەنت، شاڭىراق پەن قالىقتاپ ۇشقان قىراننىڭ بيىكتىگى 22 مەتردى قۇرايدى. پارك جانىنان 10 كوپ قاباتتى تۇرعىن ءۇي سالىناتىن بولادى.

ايماق باسشىسى دانيال احمەتوۆ قۇرىلىس جۇمىستارىمەن تانىسا كەلە، ءوزىنىڭ ون باعاسىن بەردى.

- بىزدە كەرەمەت جاڭا پارك اشىلاتىن بولادى. ونىڭ ارتىندا 10 كوپ قاباتتى تۇرعىن ءۇي سالىنادى. وسى ارقىلى ءبىز بۇعان دەيىن ايتىلعان ساتپايەۆ داڭعىلى بويىندا تۇرعىن ۇيلەرمەن قاتار مادەني نىساندارىنىڭ قۇرىلىسىن باستاۋدى جۇزەگە اسىرىپ وتىرمىز. سوندا عانا تۇرعىندار ءۇشىن بارلىق جاعداي جاسالىپ، جايلى ءومىر سۇرۋلەرىنە بولادى. بۇل قالا ادام ءۇشىن ۇعىمىنىڭ نەگىزگى ءتۇيىنى بولماق. مەملەكەتىمىزدىڭ بولاشاعىن كەسكىندەيتىن جاڭا جوبا قۇرىلىسىنىڭ باستالۋىنا قۋانىشتىمىن، - دەدى دانيال احمەتوۆ.

قازىرگى ۋاقىتتا «نۇرلى جول» پاركىنىڭ اۋماعىندا بايلانىس پەن قاتىناس جەلىلەرى ورناتىلىپ، بەتون جۇمىستارى جۇرگىزىلىپ جاتىر. جوبا اۆتورى سارسەن سييتوۆتىڭ ايتۋىنشا بۇل بىرەگەي جوبا. ول ادامدار بارىنشا باعا بەرەتىنىنە سەنىم بىلدىرەدى. پاركتىڭ اشىلۋى 2017 جىلدىڭ ماۋسىم ايىنا جوسپارلانىپ وتىر.