داعىستاندا 6 سودىردىڭ كوزى جويىلدى. باقيلىق بولعانداردىڭ اراسىندا جەرگىلىكتى لاڭكەستىك توپتىڭ باسشىسى بار. ول بىلتىر ماۋسىم ايىنان بەرى فەدەرالدى ىزدەۋدە جۇرگەن. بۇل تۋرالى رەسەيدىڭ لاڭكەستىككە قارسى ۇلتتىق كوميتەتىنىڭ وكىلدەرى مالىمدەدى، - دەپ حابارلايدى Qamshy.kz 24.kz - كە سىلتەمە جاساپ.
ارنايى وپەراسيا ماحاچكالا مەن يزبەرباش قالاسىندا جۇرگىزىلگەن. ەكى جاقتا تا ەكسترەميستەر قارسىلىق كورسەتتى. ابىروي بولعاندا، بەيبىت تۇرعىندار مەن كۇشتىك قۇرىلىم تاراپىنان ادام شىعىنى جوق. ءتىنتۋ كەزىندە قارۋ-جاراق پەن ءوق-دارى تاركىلەندى. الدىن الا مالىمەت بويىنشا، كوزى جويىلعان راديكالدار وسى جىلدىڭ تامىزىندا يزبەرباشتا پوليسەيلەرگە شابۋىل جاساعان.
