ق ر قارجى مينيسترi باقىت سۇلتانوۆ اقوردادا ەلباسىنىڭ توراعالىعىمەن ءوتiپ جاتقان ق ر ۇكىمەتىنىڭ كەڭەيتىلگەن وتىرىسىندا ەلiمiزدiڭ قارجىلىق جاعدايى تۋرالى ەسەپ بەردi، - دەپ حابارلايدى Qamshy.kz BNews.kz - كە سىلتەمە جاساپ.

«2016 جىلدىڭ 8 ايىندا ەلiمiزدiڭ بيۋدجەتi رەكوردتىق دەڭگەيگە جەتىپ، داعدارىسقا توتەپ بەردى. مەملەكەتتiك قارجى تۇراقتى، كiرiستەر تۇرعىسىنان ىلگەرىلەۋ بار، ال تاپشىلىق تومەندەپ كەلەدi. بيۋدجەتتiك قۇرالدار ەكونوميكانى ءارتاراپتاندىرۋ، جۇمىسپەن قامتۋدىڭ ءوسۋiن قوسا العاندا بiرنەشە مiندەتتi شەشۋگە قايتا باعدارلاندى. بۇل – «نۇرلى جول» باعدارلاماسى ارقىلى داعدارىسقا قارسى شارالاردى قولداۋ، جەرگiلiكتi بيۋدجەتتەرگە بەرiلەتiن ترانسفەرتتەر ارقىلى ءوڭiرلەردi دامىتۋعا جاردەم كورسەتۋ»، - دەيدi باقىت سۇلتانوۆ.

مينيستردiڭ ايتۋىنشا، جىل باسىنان بەرi بيۋدجەتتiك ۇيىمدار قىزمەتكەرلەرiنiڭ جالاقىسى مەن ستۋدەنتتەردiڭ ستيپەنديالارى كوتەرiلدi. زەينەتاقى مەن باسقا دا الەۋمەتتiك تولەمدەردi يندەنساكسيالاۋ ساقتالىپ وتىر.

ەلباسى قارجى مينيسترiنەن ەلiمiزدە جەكەشەلەندiرۋدiڭ قالاي جۇرگiزiلiپ جاتقانىن سۇرادى. مينيستردiڭ ايتۋىنشا، 299 نىسان جەكەشەلەندiرiلدi، ودان بارلىعى 85،5 ملرد تەڭگە قارجى ءتۇستi.

«بارلىعى قازiر بەرگiسi كەلمەي، تىرىسىپ، ۇستاپ قالعىسى كەلەدi. باعدارلامانى ورىنداۋ ءۇشiن بار كۇشتi سالىپ، جۇمىس جۇرگiزۋ كەرەك. 1991-1995 جىلدارى وتكiزiلگەن جەكەشەلەندiرۋ قازiرگiدەن جەڭiل ءوتتi دەپ سانايمىن. جەكەشەلەندiرۋگە قارسى تۇرماۋ كەرەك. ونسىز ەكونوميكا ءارi قاراي قوزعالمايدى. تەك قانا قاجەتتi ماسەلەلەر بولسا جارايدى، باسقانىڭ بارلىعى جەكەنiڭ قولىندا بولۋى كەرەك. سوندا عانا بiزدiڭ بيزنەس وركەندەپ-وسەدى»، - دەيدi مەملەكەت باسشىسى.