الماتى وبلىسىنىڭ اكىمى اماندىق باتالوۆ «اگرارلىق نەسيە كورپوراسياسى» اق باسقارما ءتورايىمى گۇلناز اتامقۇلوۆامەن، «نك سپك «جەتىسۋ» اق ءتوراعاسى ەرلان شىنتورينمەن جانە Alatau Fruits Engineering» ج ش س ديرەكتورى تەمىرجان جالعاسبايەۆپەن وڭىردە ب ا ق سالاسىن بىرلەسىپ دامىتۋ تۋرالى مەموراندۋمعا قول قويدى.

«اگرارلىق نەسيە كورپوراسياسى» اق باسقارما ءتورايىمى گۇلناز اتامقۇلوۆانىڭ سوزىنە قاراعاندا،  بۇگىنگى كۇنى قازاقستاننىڭ 13 وبلىسىندا 180 نەسيەلىك سەرىكتەستىك قۇرىلعان. الماتى وبلىسىندا نەسيەلىك سەرىكتەستىكتىڭ 22ء-سى جۇمىس جاسايدى. ەگەر اعىمداعى جىلى رەسپۋبليكادا 30 ملرد تەڭگەگە قارجىلاندىرۋ كوزدەلسە، جەتىسۋ شارۋالارى 2 ملرد 800 مىڭ تەڭگە كولەمىندە الادى.

ماندىق باتالوۆ ءار ايماقتىڭ جاي-كۇيىمەن تانىسىپ، كەي اكىمدەر كورسەتكىشتەردىڭ تومەندىگىنە جاۋاپ بەرەتىنىن اتاپ ءوتتى.

«بەرىلەتىن نەسيە رەسۋرستارىنا باقىلاۋ كۇشەيەدى. بۇل  مەملەكەتتىڭ جاي قولداۋى عانا ەمەس. بۇل وبلىسقا كوبىرەك ينۆەستيسيا تارتۋعا مۇمكىندىك. ونىڭ باستى باعىتتارىنىڭ ءبىرى باۋ-باقشا سالاسىن دامىتۋ»، - دەدى وبلىس اكىمى.