المازبەكا اتامبايەۆتىڭ كىشى قىزى اليا شاگييەۆا ءتورت  جىل دوستاسقان جىگىتىنە تۇرمىسقا شىقتى. بۇل تۋرالى «كومسومولسكايا پراۆدا» باسىلىمى جازادى.

 ءوزىنىڭ تويى جايىندا اليا Instagram-داعى پاراقشاسىندا حابارلاعان. پرەزيدەنتتىڭ قىزى كونستانتين ەسىمدى جىگىتتىڭ ومىرلىك جارى اتاندى. الايدا ازاماتتىڭ جەكە ءومىرى جايىندا ماعلۇماتتار جوق.

 اليا شاگييەۆانىڭ ماماندىعى ديزاينەر. ءبىر اي بۇرىن ول جاستارعا ارنالعان اۆتورلىق كيىم ۇلگىسىن شىعارا باستادى. ال كوكتەمدە بىشكەك قالاسىندا پرەزيدەنتتىڭ قىزىنىڭ "مەتامورفوزى" دەپ اتالاتىن جەكە كورمەسى ءوتتى. كورمەدەن تۇسكەن قارجىنى سۋرەتشى قىز داۋن سيندرومومىمەن اۋىراتىن بالالاردىڭ اتا-انالارى قۇرعان  «سانتەررا» قورىنا اۋدارعان.

«اكەسىنىڭ ارقاسىندا ءجۇر» دەگەن سوزگە قالىپ، اكەسىنىڭ باسىنا داۋ-داماي شاقىرماس ءۇشىن سۋرەتشى قىز شىعارماشىلىق جۇمىستارىن اناسىنىڭ فاميلياسىمەن جاريالايدى ەكەن.

قىرعىز پرەزيدەنتى المازبەك اتامبايەۆ ءوز وتباسى تۋرالى ايتا بەرمەيدى. جۇرتقا بەلگىلىسى —  ونىڭ ەكى ايەلىنەن التى بالاسى بار. ءۇش قىز جانە ءۇش ۇل. ەكىنشى ايەلى رايسا اتامبايەۆا — دارىگەر، مەديسينا عىلىمدارىنىڭ كانديداتى. جۋىردا عالامتور ارقىلى پرەزيدەنتتىڭ اندەرىنە جازىلعان ۆيدەوكليپ تارادى. پرەزيدەنتتىڭ باسپا ءسوز قىزمەتى ەل باسشىسىنىڭ بارلىعى بەس ءان جازعانىن، جانە بۇنىڭ قىركۇيەك ايىندا اتالىپ وتىلەتىن 60 جىلدىق مەرەيتوي قارساڭىندا تۋىستارىنا جاساعان سىيى ەكەنىن مالىمدەدى.