دجۋليان اسسانج دەگەن ينتەرنەت ءجۋرناليسى اقش پرەزيدەنتتىگىنەن ۇمىتكەر حيللاري كلينتوننىڭ ەلەكتروندى پوشتاسىنداعى حاتتارعا ساراپتاما جاساي كەلە، ول مەملەكەتتىك حاتشى بوپ تۇرعان كەزىندە «يسلام مەملەكەتى» ۇيىمىن (قازاقستاندا تيىم سالىنعان-رەد.) قارۋمەن قامتاماسىز ەتتى دەگەن تۇجىرىمعا كەلەدى. بۇل تۋرالى ءوزىنىڭ ساياسي ساراپتامالىق ماقالاسىندا «كومسومولسكايا گازەتا» ءتىلشىسى يسراەل شامير جازادى.
اسسانجدىڭ سوزىنە سۇيەنسەك، كلينتون انت بەرگەن كەزىندە تەرروريستەرگە قارۋ تاسىمالى جونىندە ەشتەڭە بىلمەيتىنىن ايتىپ، وتىرىك اقتالعان.
اسسانجدىڭ ءسوزىن ءىلىپ اكەتكەن كلينتوننىڭ قارسىلاسى دونالد ترامپ (رەسپۋبليكالىق پارتيا اتىنان ۇمىتكەر) حيللاري كلينتون مەن باراك وبامانى «يسلام مەملەكەتى» ۇيىمىنىڭ نەگىزىن قالاپ، ونىمەن جالعان سوعىس جۇرگىزدى دەپ ايىپتاۋدا. ترامپ سونىڭ كەسىرىنەن امەريكان حالقى تولەگەن سالىقتىڭ كوپ بولىگى قاجەتسىز سوعىسقا كەتىپ، كلينتون مەن وعان تيەسىلى قور تابىسقا بەلشەسىنەن باتتى دەگەن پىكىر بىلدىرەدى.
ساراپشىنىڭ ويىنشا، مەملەكەتتىك حاتشى كلينتون باراك وبامانى سيريا مەن ليۆياداعى رەجيمنىڭ قارسىلاستارىنا قارۋ تاسۋعا كوندىرگەن كورىنەدى. بۇل ءۇشىن امەريكان قارۋىنىڭ كوپ بولىگى كاتار مەملەكەتىنە ساتىلعان. شاعىن مەملەكەت بولا تۇرا كاتار قارۋ-جاراق ءۇشىن كلينتون قورىنا ۇلكەن كولەمدە اقشا اۋدارعان. قارۋ-جاراق مىسىرمەن شەكارالس ليۆيانىڭ بەنگازي دەگەن ايماعىنداعى ەكسترەميستەرگە جەتكىزىلگەن.
كاددافي تاقتان قۇلاعاننان كەيىن قارۋدىڭ ءبىر بولىگى ليۆيا ارقىلى سيرياعا وتەدى. «بۇدان كەيىن دە تەرروريستەر امەريكادان قارۋ-جاراق الىپ تۇرعان» دەپ جازادى يسراەل شامير. سوندىقتان دا ترامپ ءوزىنىڭ مالىمدەمەسىندە «يسلام مەملەكەتى كلينتوننىڭ وتكەنىن قالايدى، ال مەن سايلانسام بۇل ۇيىمنىڭ اقىرى تاۋسىلار ەدى» دەگەن ەكەن.
ازىرلەگەن ايعانىم ءبىرتۋار
