سەربيانىڭ ىشكى ىستەر ءمينيسترى نەبويشا ستەفانوۆيچ بۇگىن ارنايى وتكىزىلگەن پرەسس-كونفەرەنسيادا ەل ۇكىمەتى زاڭسىز ميگراسياعا قارسى كۇرەسكە قاتىستى اۆستريا مەن فرانسيادان رەسمي تۇردە كومەك سۇراعانىن مالىمدەدى. بۇل تۋرالى «كومسومولسكايا پراۆدا» باسىلىمى جازادى.

«ءبىزدىڭ مىندەتىمىز — زاڭسىز شەكارا بۇزۋدىڭ الدىن الۋ، — دەدى شەنەۋنىك. — ول ءۇشىن بىزگە تەحنيكالىق قۇرالدار قاجەت».

شەنەۋنىكتىڭ الاڭداۋىنىڭ ءجونى بار. 3-8 قىركۇيەك ارالىعىندا ماكەدونيا مەن بولگاريا ارقىلى سەربيا شەكاراسىن  1000 ادام كەسىپ وتپەك بولعان. پوليسيا ادام ساۋداسىمەن اينالىسقانداردىڭ سەگىزىن ۇستاعان. اۆتوكولىك، گرۋزوۆيكتەرمەن جۇزدەگەن ميگرانت تاسىمالداعان كورىنەدى. 22 شىلدەدەن بەرى پاترۋلدىك پوليسيا سەربياعا وتپەك بولعان  6 500 ميگرانتتى انىقتاعان. ولاردىڭ 836–ى بوسقىنداردى قابىلداۋ ورتالىعىنا ورنالاستىرىلسا، قالعاندارى دەپورتاسيالانعان. سوڭعى التى اپتادا شەكاراشىلار شەكارادان زاڭسىز ءوتۋدىڭ 5،6 مىڭ وقيعاسىن تىركەگەن.