شۋلاپ ءجۇرىپ، پرەمەر-مينيستر كارىم ءماسىموۆتى ورنىنان الدىق. ءبىراق، پرەزيدەنتتىڭ بۇل شەشىمىن وتستاۆكا دەۋگە كەلە مە؟ ادەتتە، «وتستاۆكا» دەگەندە ارتىنا يت قوسىپ قۋماسا دا، اتقارعان جۇمىسىن سىناپ نەمەسە قانداي دا ءبىر ايىپ تاعىپ، قىزمەتىنەن بوساتۋدى ايتپاي ما؟ ال، كارىم ءماسىموۆ پرەمەر كرەسلوسىن بوساتقانىمەن ءوزىن وسى لاۋازىمعا تاعايىنداعان باسشىسىنان ونداي سىن ەستىمەدى. دەمەك، پرەمەردىڭ قىزمەتىنەن كەتۋى – ونىڭ بىلىكسىزدىگىنىڭ بەلگىسى، مينيسترلەر كابينەتى جۇمىسىنىڭ ءتيىمسىز بولعاندىعىنان ەمەس. ءجا، ارى قاراي كەتتىك.

ءماسىموۆتىڭ پرەمەرلىكتەن كەتۋىن قوعام جامان قابىلداعان جوق. قۋانعان دا جوق. وعان سەبەپ – ەلدەگى ىقپالدى قۇرىلىمداردىڭ ءبىرى بولىپ سانالاتىن، اتىنان ات ۇركەتىن ۇلتتىق قاۋىپسىزدىك كوميتەتىنىڭ باسشىسى بولىپ تاعايىندالۋى. ولاي دەيتىنىمىز كارىمنىڭ «كنب-عا» بارعانىن قۇپتاعاننان، نارازى بولعاندار كوپ سياقتى.

پرەزيدەنت قالاي بولعاندا دا ەشكىم كۇتپەگەن، ەشكىمنىڭ ويىنا كىرىپ-شىقپاعان شەشىم قابىلدادى. بۇل جەردە «ءماسىموۆ انە كەتەدى، مىنە كەتەدى» دەپ بال اشقان ساياسي ساراپشىلاردىڭ دا كىناسى جوق ەمەس. ويتكەنى، پرەمەرلىكتەن الىنعان سوڭ ونىڭ قايدا تاعايىندالۋى مۇمكىن ەكەنىنە ەشكىم باس قاتىرمادى.  

ءماسىموۆتىڭ ۇقك-گە تاعايىندالعانىنا ونىڭ بۇرىن كوبىنە قارجى، ەكونوميكالىق سالادا قىزمەت ەتكەنى ءۇشىن عانا تاڭىرقاۋعا بولمايدى. ۇقك باسشىلىعىنا تاعايىندالعان «ازاماتتىق» باسشى ءبىر ءماسىموۆ ەمەس. ن. ابىقايەۆتى، م. ءتاجيندى ەسكە ءتۇسىرىڭىز.

سونىمەن، كارىم ءماسىموۆتىڭ ۇقك باسشىلىعىنا تاعايىندالۋىندا نە سىر بار؟ ساياساتتانۋشى دوسىم ساتبايەۆ  بۇل تاعايىنداۋ ءماسىموۆ ءۇشىن «تومەندەۋ» بولىپ سانالمايتىنىن ايتادى.

«بىرىنشىدەن، بۇل ءماسىموۆتىڭ كارەراسىنداعى دەبيۋت بولىپ وتىر. ويتكەنى، بۇل تاعايىنداۋ قورعانىس مينيسترلىگىنە بارعان يمانعالي تاسماعامبەتوۆتىڭ جولىن ەسكە تۇسىرەدى. ەكىنشىدەن، ۇلتتىق قاۋىپسىزدىك، تەرروريزممەن كۇرەس ماسەلەلەرى الدىڭعى قاتارعا شىققان ساتتە ءماسىموۆتىڭ ۇقك-عا بارۋى ونىڭ سالماعىن جوعالتپاعانىن كورسەتەدى. ۇشىنشىدەن، ن. ابىقايەۆ ۇقك باسشىلىعىنان كەتكەن سوڭ ۆەدومستۆوارالىق كەلىسپەۋشىلىكتەر ماسەلەسى وزەكتى بولىپ وتىر. ۆ. جۇماقانوۆقا قاراعاندا سالماقتى تۇلعانىڭ بۇل ورگانعا كەلۋى اتالعان ماسەلەدە ءتارتىپ ورناتۋى ءتيىس»، - دەپ سانامالايدى د. ساتبايەۆ.

بۇگىن ۇكىمەتتىڭ كەڭەيتىلگەن جيىنىن وتكىزگەن ەلباسى دا ءماسىموۆتىڭ ۇقك-گە تاعايىندالۋىنا قاتىستى پىكىر ءبىلدىردى.

«ۇكiمەتتە بولىپ جاتقان وزگەرiستەردi ەستiپ-بiلiپ وتىرسىزدار. ونىڭ ءوزiنiڭ لوگيكاسى بار. بiرiنشiدەن، قاۋiپسiزدiك ماسەلەسi جاعىن كۇشەيتۋ، نىعايتۋ، دەڭگەيiن كوتەرۋ ماسەلەسi بار. ودان كەيiن كارiم ءماسiموۆتى ءوزiنiڭ كەلiسiمi بويىنشا قاجەتتi جەرگە بارىپ وتىر. بۇل قازiر وتە قاجەتتi بولىپ تۇرعانىن كورiپ وتىرسىزدار. تەرروريزم، باسقا جاعى دا بار. ءتاجiريبەسi بار، رەسپۋبليكانىڭ جاعدايىن بiلەدi دەپ قويدىم»، - دەدi ن.نازاربايەۆ.

دەمەك، پرەزيدەنت ۇقك باسشىلىعىنا تاعايىندالعان ك. ماسىموۆتەن ۇلكەن ءۇمىت كۇتىپ وتىر. ۇلتتىق قاۋىپسىزدىك، تەرروريمز، ەكسترەميزممەن كۇرەستىڭ وزەكتى شاعىندا بۇل ۆەدومستۆوعا شىنىمەن دە ساياسي سالماعى بار باسشىنىڭ كەلگەنى دە دۇرىس. بۇل – تەرىس اعىمداردىڭ  قوعام مەن مەملەكەتتىڭ ءار سالاسىنا ىقپال ەتە الاتىن كۇشكە اينالعانىن مويىنداۋ. ولارمەن كۇرەستە ءبىر چەكيستىڭ الەۋەتى جەتكىلىكسىز بولاتىنى دا ءسوزسىز.

ەلباسى ارتقان مىندەتتەردى اتقارىپ، ەل تىنىشتىعى مەن ۇلت قاۋىپسىزدىگىنە قاتەر توندىرگەن راديكالداردى جونگە سالۋدا كارىمنىڭ قارىمى قانداي بولماق؟ ەندىگى ماسەلە دە سول.

جومارت ابدوللا ۇلى