كاسىبي بوكس سالاسىندا ىنتىماقتاستىق تۋرالى بەس تاراپتى مەموراندۋم «استانا ەكسپو-2017» ۇك» اق، استانا قالاسىنىڭ اكىمدىگى، «قازاقستان رەسپۋبليكالىق بوك فەدەراسياسى» قوعامدىق بىرلەستىك، World Boxing Council جانە «Diamond Ring Promotions» ج ش س اراسىندا قول قويىلدى، - دەپ حابارلايدى Qamshy.kz 24.kz - كە سىلتەمە جاساپ.

اتالعان مەموراندۋم ماقساتى World Boxing Council 55 مەرەيتويلىق كونۆەنسيا مەن استانا قالاسىندا 2017 جىلعى قىركۇيەكتە كاسىبي بوكس كەشىن وتكىزۋدى قوسا كاسىبي بوكس سالاسىندا ءىس-شارالار وتكىزۋگە باعىتتالعان جوعارىدا اتالعان ۇيىمداردىڭ ۇزاق مەرزىمدى، ءتيىمدى جانە ءوزارا پايدالى ىنتىماقتاستىقتى دامىتۋ مەن سەرىكتەستىك قارىم-قاتىناستار ورناتۋ بولىپ تابىلادى. اتالعان ءىس-شارالاردىڭ بارلىعى «استانا ەكسپو-2017» كورمەسىن وتكىزۋ كەزىندە وتەدى جانە قوعام نازارى مەن قىزىعۋشىلىعىن وسى كولەمدى وقيعاعا اۋدارۋعا باعىتتالعان.

«ەكسپو-2017 – قازاقستان استاناسىندا وتكىزىلەتىن وتە كۇشتى الەمدىك وقيعا. كورمەنى وتكىزۋ شەڭبەرىندە كوپتەگەن ءىرى ءىس-شارالار وتكىزىلۋى دايىندالىپ جاتىر، ونىڭ ىشىندە حالىقارالىق الەمدىك پىشىندە وتەتىندەرى دە بار. اتالعان مەموراندۋم «ەكسپو-2017» دايىندالىپ جاتقان ءىس-شارالار كەشەنىندە ءوزىنىڭ ەرەكشە ورىنىن الادى دەپ سانايمىن»، - دەپ اتاپ كەتتى استانا قالاسى اكىمىنىڭ ورىنباسارى ەرمەك امانشايەۆ.

«دۇنيەجۇزىلىك بوكس كەڭەسىنەن «ەكسپو-2017» وتكىزۋ بارىسىندا World Boxing Council (WBس) مەرەيتويلىق كونۆەنسياسى وتەتىندىگىنە وتە قۋانىشتىمىن، وعان الەمنىڭ 165 ەلىنەن دەلەگاتتار قاتىسادى، قازاقستاننىڭ استاناسىنا كەلىپ، ونىڭ ادەمىلىگىنە كوز جۇگىرتۋ ورايى تۋادى»، - دەپ ءوز پىكىرىن WBC پرەزيدەنتىنىڭ ارنايى كەڭەسشىسى وكسانا سەمەنيشينا ءبىلدىرىپ كەتتى.

حالىقارالىق مامانداندىرىلعان كورمە استانا قالاسىندا 2017 جىلعى 10 ماۋسىمنان 10 قىركۇيەك ارالىعىندا وتەدى، ونىڭ بارىسىندا قول قويىلعان مەموراندۋم شەڭبەرىندە World Boxing Council 55 مەرەيتويلىق كونۆەنسياسىن جانە مايك تايسون، گەنناديي گولوۆكين مەن ت.ب. اتاقتى بوكسشىلاردىڭ قاتىسۋىمەن كاسىبي بوك كەشىن وتكىزۋ جوسپارلانعانىن اتاپ كەتكىمىز كەلەدى.