ۋكراينا پرەزيدەنتىنىڭ مىندەتىن اتقارۋشى الەكساندر تۋرچينوۆ رەسەيدەن ۋكراينانىڭ ىشكى ىسىنە ارالاسۋدى جانە "بوپسالاۋدى" توقتاتۋدى تالاپ ەتتى. تەلەارنادان سويلەگەن تۋرچينوۆ ۋكراينانىڭ "تەرروريستىك قاۋىپتەن تايساقتامايتىنىن" ايتىپ، رەسەيدەن ۋكراينامەن شەكاراداعى اسكەرىن اكەتۋدى تالاپ ەتتى. 24 ءساۋىر كۇنى رەسەي ۋكراينامەن شەكاراسىنا اسكەرىن شوعىرلاندىرىپ، "ۋكراينا اسكەرىنىڭ رەسەيشىل سەپاراتيستەرگە قارسى شابۋىلعا شىعۋىنا جانە ناتو-نىڭ پولشا مەن بالتىق بويى ەلدەرىندەگى جاتتىعۋلارىنا جاۋاپ رەتىندە اسكەري جاتتىعۋ باستايتىنىن" مالىمدەگەن. ۋكراينا ىشكى ىستەر مينيسترلىگى 24 ءساۋىر كۇنى سلاۆيانسك قالاسى ماڭىنداعى ۇرىستا بەس سەپاراتيست قازا تاپقانىن مالىمدەگەن. رەسەي پرەزيدەنتى ۆلاديمير پۋتين كييەۆتىڭ ۋكراينانىڭ شىعىسىنا اسكەر كىرگىزۋىن "اۋىر قىلمىس" دەپ اتاپ، ونىڭ زياندى سالدارى بولاتىنىن ايتقان.
ازاتتىق راديوسى
