جاستار ەلدىڭ ەرتەڭى. وبلىسى اكىمىنىڭ تاپسىرماسى بويىنشا ءار اۋدان-قالادا تاۋەلسىزدىكتىڭ 25 جىلدىعىنا وراي جاستار فورۋمىن وتكىزۋ بەلگىلەنگەن ەدى. بۇگىن جامبىل اۋدانىندا اتالعان مەرەكەمەن جامبىل جابايەۆتىڭ 170 جىلدىعىنا وراي اۋقىمدى مادەني شارا ءوتتى، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.

وعان تانىمال تۇلعالار مەن وڭىردەگى بەلسەندى جاستار قاتىستى. 

گۇلنار ەرمەكبايەۆا جامبىل اۋدانى اكىمىنىڭ ورىنباسارى 
تاۋەلسىزدىككە 25 جىل جانە جىر جامپوزى جامبىل جابايەۆتىڭ 170 جىلدىعىنا وراي ءبىر قاتار بەلسەندى جاستار اۋدان اكىمدىگى تاراپتان ماراپاتتالدى. بۇلاردىڭ ءبىرى سپورتتان، ءبىرى ونەردەن، ءبىرى وليمپيادادان تاعىسىن تاعى ءار سالادان جەتىستىككە جەتىپ اقىندار مەن باتىرلار ەلىنىڭ ابىرويىن اسىرعاندار. ياعني جاستاردىڭ قوعامنىڭ قوزعاۋشى كۇشى بولا الارىن دالەلدەگەندەر. ولار ەلدىڭ ەرتەڭگى جارقىن بولاشاعىن جاساۋدا ۇلتتىق قاسيەتتەرگە باي، ءارى امبەباپ ءارى بىلىكتى ماماندار بولىپ شىعۋى كەرەك ەكەنىن جاقسى تۇسىنەدى.

دامير ءجۇمادىل ۇلى  جاس بوكسشى 
الماتى وبلىسىنىندا ءبىرىنشى ورىن الىپ، رەسپۋبليكالىق چەمپياناتقا باردىم. جانە ول چەمپياناتتا ءوز سالماعىم بويىنشا جەڭىمپاز اتاندىم. سول ءۇشىن ماعان سپورت شەبەرى اتاعى بەرىلدى.

رۋسلان اندوسوۆ وقۋشى
بۇل فورۋمنىڭ ءوتۋى بولاشاقتاعى الار اسۋلار ءبىز سياقتى وقۋشىلاردىڭ قولىندا ەكەنى، ءبىز ءۇشىن جاسالىپ جاتقان دۇنيەلەردىڭ كوپ ەكەنىن سەزدىردى. تەك عانا بىزگە قويىلاتىن باستى تالاپ، وقۋ، ءبىلىم الۋ، قازاق ەلىن كوتەرۋ باستى ماقسات بولىپ سانالادى.

ەلىمىزدەگى جاستار ساياساتى جالىن جۇرەكتى جاستاردىڭ تاي تالابىن قامشىلاي تۇسكەنى انىق. سەبەبى سالاۋاتتى ءومىر سالتىن ۇستانىپ سپورتتى جاندارىنا سەرىك ەتۋدە، جامبىل جاستارى بەلسەندى. ارينە بۇل جاستارعا كورسەتىلگەن مەملەكەتتىك قولداۋلاردىڭ جەمىسى. تەك بيىلعى جىلدىڭ وزىندە وبلىس كولەمىندە 434 ميلليوننان استام قاراجات جاستارعا ارناپ بولىنگەن.

باقتيار جاقسىگەلدىنوۆ الماتى وبلىستىق جاستار رەسۋرستىق ورتالىعىنىڭ ديرەكتورى
جالپى وبلىسىمىز جاستارىنا وتە كوڭىل ءبولىنىپ جاتىر. ويتكەنى جاقىندا عانا جاستارعا ارنالعان جاستارعا قىزمەت كورسەتۋ سارايى سالىندى. وقۋشىلار سارايى سالىنىپ جاتىر. ونىڭ ءبارى بولاشاق جاستارىمىز ءۇشىن. وبلىس اكىمى جانە ەلباسىمىزدىڭ تىكەلەي تاپسىرماسىمەن سالىنىپ جاتقان دۇنيەلەر. مىنە وسىلاردىڭ بارلىعى جاستارعا ارنالىپ جاتىر.

بۇگىنگى تاڭدا اۋداندا 42 مىڭعا جۋىق جاستار وكىلدەرى تۇرادى.ولاردىڭ ىشىندە 80 گە جۋىعى جەرگىلىكتى باسقارۋ ورگاندارىندا مەملەكەتتىك قىزمەتكەر بولسا، 15 مىڭنان استامى ءار سالادا ەڭبەكتەنۋدە. سوندىقتان دا جينالىستىڭ ماقساتى - جاستاردىڭ ەلجاندىلىعىن، وتانسۇيگىشتىگىن نىعايۋعا باعىتتالۋى كەرەك دەيدى اعا بۋىن وكىلدەرى.

جاقسىلىق ۇشكەمپىروۆ  ماسكەۋ وليمپياداسىنىڭ چەمپيونى
باياعى اقساقالدار ايتاتىن؛ سەندەر ءبىزدىڭ جاس كەزىمىزدەگىدەي ەمەسسىڭدەر -دەپ. جوق ولاي ەمەس، قازىرگى جاستار بىزدەن مىقتى. سوندىقتان دا ءبىز ولارعا ءار قاشاندا باعىت-باعدار بەرىپ وتىرساق بولدى. ءبىزدىڭ جاستار اقىلدى. جاستار وسە بەرسىن.

مىنە وسىلايشا تاۋەلسىزدىگىمىزدىڭ تۇعىرلى، ازاتتىعىمىزدىڭ عۇمىرلى بولۋىنا جاستار بەيىمدەلە بەرمەك. شارا اياسىندا اۋدانداعى ونەرپازدار كونسەرتتىك باعدارلاما قويدى. الدا وبلىستىق جاستار فورۋمى وتەدى دەپ جوسپارلانۋدا.