قۇمداعى الىپ باققا -1 جىل. پانفيلوۆ اۋدانىندا اۋماعى 1100 گەكتار جەرگە جەمىس باعىن وتىرعىزعان "جاركەنت فرۋكت" سەرىكتەستىگى -- بۇگىن ءوزىنىڭ ەڭ العاشقى تۋعان كۇنىن اتاپ وتۋدە. جەتىسۋ جەرىندە الما باقتارىن جاڭعىرتۋ جوسپارى اياسىندا  اۋقىمدى جوباعا كىرىسكەن كومپانيانىڭ جىلدىق جۇمىسىمەن-- "اگرارلىق نەسيە كورپوراسياسىنىڭ" ءتورايىمى گۇلناز اتامقۇلوۆا باستاعان قارجىلىق سالا وكىلدەرى تانىسىپ قايتتى. ەستەرىڭىزگە سالا كەتەلىك، گۇلناز اتامقۇلوۆا الماتى وبلىسىنىڭ اكىمى--  اماندىق باتالوۆپەن كەشە عانا وڭىردە ب ا ق سالاسىن بىرلەسە دامىتۋ بويىنشا -- ارنايى مەموراندۋمعا وتىرعان بولاتىن، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.

 جايقالا جەتىلىپ كەلە جاتقان جاپ-جاسىل جاس ب ا ق. جىل بۇرىن قىپ-قىزىل قۇم ارالاس قۇنارسىز مىنا شاڭداۋىت تاقىر دالا بولعان. ادام ايتسا، نانعىسىز. "جاركەنت فرۋكت" سەرىكتەستىگى اينالاسى 1 جىلدا الىپ جەمىس باعىنا اينالدىردى. 1 ەمەس، 10 يا 100 ەمەس، 1100 گەكتار القاپتا كۇنگە ۇمىتىلعان سانسىز جاس كوشەت سامساپ تۇر. 2،5 ملن دانا،-دەيدى ەسەپ-قيسابىنا جاۋاپتى ماماندار. ءوسىمتالىن، ونىمدىلىگى جوعارىسىن تۇركيا مەن وزبەكستاننان تاڭداپ اكەلىپتى. جەمىس ءتۇرى الۋان. جوسپارلارى كەشەندى. كلاستەرلىك.  

"قالاۋىن تاپسا، قار جانادى"... قۋ تاقىر بۇگىندە الىپ اگروكەشەنگە اينالا باستاعان. 15 ملرد تەنگە ينۆەستيسيانىڭ يگى ىسكە جۇمسالعانى كورىنىپ تۇر. جىل ىشىندە ءاربىرى 1000 شارشىمەترلىك 2 تىڭايتقىش پەن وزگە دە قاجەت دۇنيەلەر ءۇشىن قوس قويما سالىندى. 4 باسسەين، سۋ ناسوس جانە مەتەوستانسالار ىسكە قوسىلعان. جالپى ۇزىندىعى 24 شاقىرىمدى قۇرايتىن قورشاۋ ورناتىلىپ جاتىر. سەرىكتەستىك قيمىلى شيراق. قاۋىرت ىسكە 97 ارنايى تەحنيكا تارتىپتى. بۇگىنگە نىساندا 650 ادام جۇمىس جاساۋدا. باسىم بولىگى كورشى ايدارلى اۋىلىنىڭ تۇرعىندارى. بولاشاقتا ناۋقاندىق جۇمىسپەن 1500 ادام قامتىلماق. ال، جوبا ناتيجەلەلىگىن ارتتىرۋ ءۇشىن كومپانيا وتاندىق جانە شەتەلدىك عالىمدار كومەگىنە سۇيەنۋدە.

 جالپى،سەرىكتەستىك ماقساتى زور. ب ا ق القابىن كەلەر جىلى تاعى دا 1000 گەكتارعا ۇلعايتپاق. «اگرارلىق نەسيە كورپوراسياسى» اق باسقارما ءتورايىمى گۇلناز اتامقۇلوۆا باستاعان مىنا توپتى شاقىرۋىنىڭ دا ءمانىسى سوندا. قوماقتى قوسىمشا قارجىلىق رەسۋرستار تاۋىپ، ىستەرىن ىلگەرىلەتپەك. جەرگىلىكتى بيلىك تە بۇل تانىستىرىلىس سوڭى ءساتتى اياقتالۋىنان ءۇمىتتى. اۋداندا قولعا الىنعان ءار جوبانىڭ جەمىسىن جەرگىلىكتى حالىق كورەدى،-دەيدى. ايتۋىنشا، جاركەنت وڭىرىندە جاقسى جاڭالىق كوپ.   

اگرونومدار الىپ باقتىڭ العاشقى جەمىسىنىڭ ءدامىن كەلەر جىلى-اق تاتپاق. جاپپاي ءونىم 2017- جىلى جينالادى. ازىرگە تامشىلاتىپ سۋعارىپ، بالاداي باپتاپ ءوسىرىپ جاتىر. مەزگىلى جەتكەندە، گەكتارىنان 50 توننا ءونىم الۋدان ءۇمىتتى. ىشكى نارىق ءوز الدىنا، ءونىم كورشى رەسەي مەن ورتالىق ازيا ەلدەرىنە ەكسپورتتاۋعا جەتكىلىكتى بولارىن ايتادى.