«مەملەكەتتىك قىزمەتكەرلەردىڭ كاسىبيلىگى مەن ادەبى - بۇل مەملەكەتتىڭ تۇراقتى دامۋىنىڭ كەپىلى»! بۇگىن وسىنداي تاقىرىپپەن جامبىل اۋدانىندا مەملەكەتتىك قىزمەتكەرلەرگە ارنالعان جيىن ءوتتى.  باسقوسۋدا ق ر مەملەكەتتىك قىزمەت ىستەرىنىڭ الماتى وبلىسى بويىنشا دەپارتامەنتىنىڭ جانە ادەپ جونىندەگى كەڭەستىڭ ءتوراعاسى سەرىكباي نۇرعيسايەۆ --ماڭىزدى بايانداما جاسادى، - دەپ حابارلايدى Qamshy.kz "جەتىسۋ" ارناسىنا سىلتەمە جاساپ.

ايتۋىنشا، ەلباسىنىڭ بەس ينيستيتۋسيونالدىق رەفورماسى مەن 100 ناقتى قادام ۇلت جوسپارى - مەملەكەتتىك قىزمەتكە ۇلكەن جاۋاپكەرشىلىك ارتادى. سوندىقتان دا بۇگىنگى تاڭدا سىبايلاس جەمقورلىق بويىنشا، كەز-كەلگەن سالانى باقىلاۋعا تولىقتاي مۇمكىندىگىمىز بار،- دەدى ءوز سوزىندە.  زاڭداعى جاڭا وزگەرىستەرگە سايكەس، بۇدان بىلاي ەشقانداي بارماق باستى، كوز قىستى ارەكەتتەرگە جول بەرىلمەيدى. اسىرەسە مەملەكەتتىك قىزمەتكەرلەردىڭ جۇمىسى -دەپارتامەنت تاراپىنان قاتاڭ باقىلانادى. ءتىپتى بۇدان بىلايعى جەردە اۋدان اكىمدەرىنىڭ كولىكتەرىنە GPS قوندىرعىلارى ورناتىلاتىن بولادى.

ال مەرەكەلەرگە بايلانىستى بەرىلەتىن ۇستەمە جالاقىلار توقتاتىلىپ، قوسىمشا جۇمىسقا بونۋس تولەنبەك. سوندىقتان اۋىردىڭ استىمەن، جەڭىلدىڭ ۇستىمەن ءجۇرۋ تۇگەلدەي تيىلاتىنىن جەتكىزدى. جينالىستا وبلىس اكىمىنىڭ ورىنباسارى جانە ادەپ جونىندەگى كەڭەسشىسى تالعات ومىرالييەۆ پەن اۋدان اكىمى جانداربەك دالابايەۆ تا ءوز تاراپتارىنان بۇل جاڭا زاڭعا قولداۋ كورسەتەتىندىكتەرىن جەتكىزدى. وتىرىستا باسشىلارعا سۇراق قويعاندار دا قاناعاتتانارلىق جاۋاپ الدى.

سەرىكباي نۇرعيسايەۆ  ق ر ءمقىم الماتى وبلىسى بويىنشا دەپارتامەنتىنىڭ باسشىسى

حالىققا مەملەكەتتىك قىزمەتكەرلەردىڭ قىزمەت كورسەتۋى. بۇگىندە ءبىز وسى 9 ايدىڭ ىشىندە 7 ميليوننان استام مەملەكەتتىك قىزمەت كورسەتتىك. حالقىمىز ەكى ميليون. ەندى سونىڭ ساپاسى قانداي؟ دەر كەزىندە الىندى ما؟ تولىققاندى الدى ما؟ پايداسىنا جارادى ما؟ ەندى قالاي جۇمىس شەڭبەرىن كەڭەيتۋىمىز كەرەك؟ سولاردىڭ ءبارى بۇگىنگى جوسپاردا.